مەيۆەزەر پاكياونىڭ قارىمتا قايتارۋىنا كەلىسىمىن بەردى
باسىلىمنىڭ مالىمەتىنە قاراعاندا، مەيۆەزەر فيليپپيندىك بوكسشى 2- مامىرداعى لاس-ۆەگاستە وتكەن جەكپە-جەككە دايارلىق كەزىندە يىعىنان العان جاراقاتى جازىلعانشا كۇتە تۇرۋعا ءازىر. پاكياوعا تاياۋداعى ۋاقىتتا وتا جاسالادى. ودان كەيىن ساۋىعۋىنا 9-12 ايداي ۋاقىت قاجەت. فلويد پەن مەنني اراسىنداعى سايىس 2016-جىلعى مامىر نەمەسە قىركۇيەك ايىندا ءوتۋى مۇمكىن.
پاكياو جاراقاتى جايىندا فلويدپەن جەكپە-جەككە دەيىن بىلگەن، ءبىراق تا نيەۆادا شتاتىنىڭ التلەت كوميسسياسى ءۇشىن ساۋالنامادا ءوزىنىڭ دەنساۋلىق جاعدايىن جاسىرعان. وسى ءۇشىن فيليپپيندىككە ايىپپۇل تۇرىندە جازا قولدانىلۋى نەمەسە ونى بىلىكتىلىگىنەن ايىرۋى مۇمكىن.
بۇدان بۇرىن 38 جاستاعى كىشى-مەيۆەزەر وسى جىلعى قىركۇيەك ايىندا ءوزىنىڭ سوڭعى ۇرىسىن وتكىزىپ، سودان كەيىن 66,68 كەلىگە دەيىنگى سالماق ساناتىنداعى بارلىق چەمپيوندىق بەلبەۋلەرىنەن (WBA، WBO، WBC) باس تارتاتىنى جونىندە مالىمدەگەن بولاتىن.
12 راۋندتىق جەكپە-جەك سەنبى كۇنى، 2- مامىردا لاس-ۆەگاستا ءوتىپ، ۇپاي سانىمەن تورەشىلەردىڭ ءبىراۋىزدان شەشىمىمەن امەريكاندىقتىڭ جەڭىسىمەن اياقتالعان بولاتىن. سپورتشىلاردىڭ سىياقىسى بوكس تاريحىنداعى ەڭ ءىرى بولدى: مەيۋەزەر 180 ميلليون دوللار، پاكياو - 120 ميلليون دوللار الدى.
