08:25, 06 - مامىر 2015 | GMT +6
برازيليانىڭ توعىز شتاتىندا دەنگە بەزگەگى ءورشىپ كەتتى
استانا. قازاقپارات - برازيليادا جىل باسىنان بەرى دەنگە بەزگەگىنە شالدىعۋدىڭ 746 مىڭ فاكتىسى تىركەلگەن، وسىعان بايلانىستى توعىز شتاتتا ىندەت جاريالاندى، دەپ حابارلادى ەلدىڭ دەنساۋلىق ساقتاۋ مينيسترلىگىنەن.
«BBC» اگەنتتىگىنىڭ حابارلاۋىنشا، ەپيدەميا ازىرگە بۇكىل ەلدى قامتىعان جوق.
جارتىسىنان كوپ وقيعا سان-پاۋلۋ قالاسىندا تىركەلگەن.
ەل بويىنشا بۇل اۋرۋعا شالدىققانداردىڭ سانى 2014-جىلدىڭ وسى كەزەڭىمەن سالىستىرعاندا 235 پايىزعا وسكەن.
