مۇنايدىڭ الەمدىك باعاسى سۇرانىستىڭ ارتۋىنا وراي ءوسىپ كەلەدى

استانا. قازاقپارات - مۇنايدىڭ الەمدىك باعاسى سۇرانىستىڭ ارتۋى كۇتىلۋىنە وراي وڭ سەرپىندى كورسەتۋدە، بۇعان ساۋدا-ساتتىق مالىمەتتەرى ايعاق، دەپ حابارلادى ر ي ا نوۆوستي.

سەيسەنبى كۇنى كەشتەگى جاعداي بويىنشا Brent ماركالى سولتۇستىك تەڭىزدىك قوسپاعا ماۋسىم ايى فيۋچەرستەرىنىڭ قۇنى 2,35 پايىزعا ءوسىپ، باررەلى 68,05 دوللاردى قۇرادى. WTI مۇنايىنا ماۋسىم فيۋچەرستەرى 3,09 پايىزعا كوتەرىلىپ، باررەلى 60,75 دوللارعا جەتتى.

«بۇعان ءىرى مۇناي ەكسپورتتاۋشى ساۋد ارابياسىندا ەۋروپا مەن سولتۇستىك امەريكاداعى كليەنتتەر ءۇشىن باعانىڭ ءوسۋى سەبەپ بولدى. ءسىرا، بۇل ايماقتاردا مۇنايعا سۇرانىس كۇتكەندەگىدەن كۇشتىرەك بولعان ءتارىزدى»، - دەپ مالىمدەدى فرانس پرەسس اگەنتتىگىنە Forex.comи  تالداماشىسى فاۆاد رازاكزادا (Fawad Razaqzada).

Saudi Arabian Oil Co. (Aramco) مەملەكەتتىك مۇناي كومپانياسى سولتۇستىك-باتىس ەۋروپا كليەنتتەرىنە Arab Light مۇناي قوسپاسىن ساتۋدىڭ ماۋسىم ايىنا باررەلىنىڭ باعاسىن مامىرداعى باعاعا قاراعاندا 1,3 دوللارعا ۇلعايتتى. ا ق ش ءۇشىن ماۋسىمعا مۇناي باعاسى مامىرمەن سالىستىرعاندا 20 تسەنتكە ارتتى.

ساراپشى دوللاردىڭ السىرەۋى دوللارمەن ساتىلاتىن كەيبىر شيكىزات تاۋارلارىنا قولداۋ بولدى. ماسەلەن، ماسكەۋ ۋاقىتىمەن ساعات 20:05 تە دوللار يندەكسى (ا ق ش- تىڭ نەگىزگى ساۋدا ارىپتەستەرىندە - التى ەلدىڭ ۆاليۋتا قورجىنىنىڭ دوللارلىق باعامى) 0,51 پايىزعا - 94,96 پۋنكتكە دەيىن تومەندەدى.

سونىمەن قاتار ليۆياداعى Zueitina تەرمينالىنىڭ جابىلۋى تۋرالى حابارلاما مۇناي باعاسىنا قولداۋ كورسەتۋدە. Zueitina - باسقا كوپتەگەن تەرمينالدار سوعىس قيمىلدارىنىڭ سالدارىنان جابىلعان كەزدە مۇناي جونەلتۋدى جالعاستىرىپ جاتقان ازداعان ليۆيالىق پورتتاردىڭ ءبىرى بولاتىن.