سولتۇستىك قازاقستاندىقتار قىتايدا وتكەن سپورتتىق بيلەردەن الەم كۋبوگىنىڭ چەمپيوندارى اتاندى
جارىسقا سولتۇستىك قازاقستاندىق «الەكساندرا» ءبي-سپورتتىق شەبەرلىك مەكتەبىنىڭ تاربيەلەنۋشىلەرى قاتىستى.
بۇل تۋرالى س ق و دەنە شىنىقتىرۋ جانە سپورت باسقارماسىنىڭ باسپا ءسوز حاتشىسى اننا پەنكوۆا حابارلادى.
الەم كۋبوگىنىڭ ءۇش دۇركىن چەمپيوندارى داني جاۋكين مەن اننا كونوپكينا بىردەن ەكى جاس ساناتىنداعى جارىسقا شىقتى. «1- يۋنيور» ساناتىنا داني مەن اننا ەۋروپالىق جانە لاتىن-امەريكالىق باعدارلامادان التىن ۇتىپ الدى.
«2- يۋنيور» ساناتىنداعى لاتىن-امەريكالىق باعدارلامادا تاعى ءبىر جەڭىستى ولار ءسال ەرەسەك بالالار اراسىنان جەڭىپ الدى.
«جاستار 1» ءوز ساناتىنا جانە «جاستار 2» ءوز جاسىنان ۇلكەن ەكى ساناتقا جانە «ەرەسەك» ساناتىندا سولتۇستىك قازاقستاندىق مۇسا سۇلتانوۆ پەن ماريا حاسانەتدينوۆا باق سىنادى. «جاستار 1» ساناتىنداعى ەۋروپالىق باعدارلامادا مۇسا مەن ماريا ءبىرىنشى ورىندى يەلەنىپ، الەم چەمپيونى اتاندى.
بۇدان باسقا وسى جاس ساناتىندا ولار لاتىن-امەريكالىق باعدارلاماسىندا كۇمىس جۇلدەنى قانجىعاسىنا بايلادى. «2 جاستار» ساناتىندا وزدەرىنىڭ ەۋروپالىق باعدارلاماسىمەن تاعى ءبىر جۇپ ەكىنشى ورىندى يەلەندى. ال ەرەسەك قاتىسۋشىلار ستاندارتتى باعدارلامامەن قولا جۇلدەگە قول جەتكىزدى.
