بوكستان بيىلعى ەل چەمپيوناتى تالدىقورعاندا وتەدى

استانا. قازاقپارات - 21-26- مامىر كۇندەرى تالدىقورعاندا بوكستان ەرلەر اراسىنداعى قازاقستان چەمپيوناتى وتەدى، دەپ جازادى «الاش ايناسى» ق ر بوكس فەدەراتسياسىنىڭ رەسمي سايتىنا سىلتەمە جاساپ.

بيىلعى ەل بىرىنشىلىگى بۇكىل رەسپۋبليكالىق سپارتاكيادا اياسىندا ۇيىمداستىرىلادى. وعان ەرلەر اراسىنداعى قازاقستان ۇلتتىق قۇراماسىنىڭ بوكسشىلارى دا قاتىسادى دەپ كۇتىلۋدە.

تالدىقورعانداعى «جاستار» سپورت سارايىنىڭ تورىنە كەرىلەتىن شارشى الاڭداعى جەكپە-جەكتەر 21- مامىردا باستالادى. ءدال وسى كۇنى ساعات 15:00 دە اشىلۋ سالتاناتى وتكىزىلەدى.

23-24- مامىر كۇندەرى شيرەك فينالدىق، ال 25- مامىردا جارتىلاي فينالدىق جەكپە-جەكتەر وتەدى. فينال 26- مامىرعا جوسپارلانعان.

ەستەرىڭىزگە سالا كەتەيىك، بىلتىرعى ەل چەمپيوناتى وتكەن جىلدىڭ سوڭىندا تارازدا ءوتىپ، جامبىل وبلىسىنان ءۇش، اقمولا، الماتى وبلىستارىنان جانە استانا قالاسىنان ەكى، وڭتۇستىك قازاقستان وبلىسىنان ءبىر چەمپيون شىققان بولاتىن.

اۆتور: نۇرعازى ساسايەۆ