شىمكەنتتە الىپ قاشۋدىڭ قۇربانى بولعان قىز اقىرى تۇرمىسقا شىعۋعا كەلىسىم بەردى - كەسكىن
ايتا كەتەيىك، الىپ قاشۋ ءساتى ۆيدەوعا ءتۇسىرىلىپ، جەلىگە جاريالانعان ەدى.
الەۋمەتتىك جەلى قولدانۋشىلارىنىڭ ءبىرى وزىنە ۇرلانعان قىزدىڭ تەلەفون ارقىلى حابارلاسىپ، ۆيدەودان ءوزىن كورگەنىن جانە ءوز جاعدايىنىڭ جاقسى ەكەنىن ايتقانىن مالىمدەدى.
سويتسە، ۇرلانعان قىز اقىرى ءوزىن الىپ قاشقان جىگىتتىڭ بىرىنە تۇرمىسقا شىعۋعا كەلىسىم بەرىپتى. دەسە دە، قىز قانداي دا ءبىر مالىمەت بەرۋدەن تاس تارتىپ، داۋ تۋدىرعان ۆيدەونى ءوشىرىپ تاستاۋدى سۇراپتى.
ال وڭتۇستىك قازاقستان وبلىسى ءى ءى د باسپا ءسوز قىزمەتىنىڭ وكىلدەرى بولسا Tengrinews.kz تىلشىسىنە زارداپ شەككەن تاراپتان ەشقانداي دا ارىز تۇسپەگەنىن جانە ۆيدەونىڭ زەرتتەلىپ جاتقانىن حابارلادى. ولاردىڭ ايتۋىنشا، زارداپ شەككەن تاراپتان ارىز تۇسپەسە دە تەرگەۋشىلەردىڭ ۆيدەونى زەرتتەۋدى باستاعان.
اتى-ءجونىن جاسىرعان قولدانۋشى الەۋمەتتىك جەلىدە شىمكەنتتەگى قىز الىپ قاشقاندار تۇسىرىلگەن ۆيدەونى جاريالادى. الدىمەن instavideo_kaz پاراقشاسىندا پايدا بولعان جازبادا ەكى جىگىتتىڭ اق ءتۇستى كولىككە قىزدى كۇشتەپ وتىرعىزعانى كورىنەدى. روليك «ەڭ قىزىق جەرىنەن» ءۇزىلىپ قالادى.
ۆيدەو جەلىدە پايدا بولعاننان كەيىن قوعامدا دۇرلىگۋ تۋعىزدى. قىزدى الىپ قاشۋ كورىنگەن ۆيدەونى جاريالاعان instavideo_kaz توبىنىڭ حابارلاۋىنشا، ولارعا ۇرلانعان قالىڭدىقتىڭ تۋىستارى ونىڭ ەكى كۇن بويى تابىلماي جاتقانىن حابارلاعان. كۋاگەرلەردەن قىز جايلى مالىمەت سۇرالدى.
