ماسكەۋدە وتەتىن اسكەري شەرۋگە قىتايلىق اسكەريلەر دە قاتىسادى
27- ساۋىردەن باستاپ قازاقستاندىق جاۋىنگەرلەر ماسكەۋ تۇبىندەگى الابينو اسكەري پوليگونىندا اسكەري قۇرامالار ورنالاسقان جەردە جانە قىزىل الاڭدا جاتتىعۋدا.
ايتا كەتۋ كەرەك، جەڭىس شەرۋىنە دايىندىق كۇندىز جانە تۇنگى ۋاقىتتا وتەدى. جەڭىستىڭ 70 جىلدىعىنا ارنالعان شەرۋگە جالپى 16000 نان استام جاۋىنگەر 200 گە جۋىق سوعىستا پايدالانعان جانە جاڭا اسكەري تەحنيكا جۇمىلدىرىلادى.
ت م د اسكەريلەرىنەن وزگە شەرۋگە ءۇندىستان، قىتاي، سەربيا جانە موڭعوليا ەلىنەن كەلگەن ساربازدار دا قاتىسادى. جەڭىس كۇنى وتەتىن شەرۋدە قازاقستاندىق ساپ داڭقتى 28 باتىر پانفيلوۆشىلاردىڭ ءىزباسارلارى رەتىندە قىزىل الاڭمەن كوك بايراعىمىزدى جەلبىرەتىپ وتەتىن بولادى.
احمەدجان تايىروۆ، قر قۇرلىق اسكەرلەرى اسكەري ينستيتۋتى باسشىسىنىڭ ورىنباسارى:
- كوپتەگەن كۋرسانتتاردىڭ، ساردارلاردىڭ اتالارى ۇلى وتان سوعىسىنا قاتىسقاندىقتان، كۋرسانتتار سالتاناتتى شەرۋگە ەرەكشە جاۋاپكەرشىلىكپەن دايىندالۋدا. جالپى كۋرسانتتاردىڭ دايىندىعى وتە جاقسى، قازاقستاننىڭ قارۋلى كۇشتەرىنە ارتىلعان قۇرمەتتى مىندەتتى اتقارۋعا ساقاداي-ساي دايىنبىز.
ءىلياس جيەنباي، ق ر قۇرلىق اسكەرلەرى اسكەري ينستيتۋتىنىڭ كۋرسانتى:
- اتا بابالارىمىز وسى ۇلى وتان سوعىسىندا كورسەتكەن جىگەرلى نامىسىن، بىزدە سول نامىسپەن كورسەتىپ وتۋگە تىرىسامىز. ارينە ىشىمىزدە ۇلكەن قوبالجۋ سەزىمدەرى بار. سوندا دا، وعان قاراماستان بىزدەر قازاقستاندىقتار، وسى ماسكەۋ قالاسىندا وتەتىن شەرۋدى ۇلكەن جىگەرلى كۇشپەن قۋاتپەن وتۋگە تىرىسامىز.
www.24.kz
