سەناتورلار تۇرعىن ءۇي-كوممۋنالدىق شارۋاشىلىقتى كرەديتتەۋ جانە سۋبسيديالاۋ ماسەلەسىن قارادى
قۇجات سۋمەن جابدىقتاۋ جانە سۋ بۇرۋ، جىلۋمەن جابدىقتاۋ سالالارىن مەملەكەتتىك رەتتەۋ جۇيەسىن جەتىلدىرۋ، تۇرعىن ءۇي-كوممۋنالدىق شارۋاشىلىقتى قارجىلىق قولداۋ ماقساتىندا ازىرلەنگەن بولاتىن.
جوبامەن ءبىرقاتار زاڭنامالىق اكتىلەرگە وزگەرىستەر مەن تولىقتىرۋلار ەنگىزۋ كوزدەلىپ وتىر.
سۋ كودەكسىنە قۇقىقتىق قاتىناستاردى رەتتەيتىن جاڭا ۇعىمدار ەنگىزىلەدى جانە سۋمەن جابدىقتاۋ جانە سۋ بۇرۋ سالاسىنداعى ۇيىمداستىرۋ ماسەلەلەرى رەگلامەنتتەلەدى، سونىمەن قاتار ەلدى مەكەننىڭ سۋمەن جابدىقتاۋ جانە سۋ بۇرۋ جۇيەسىن جانە (نەمەسە) ولاردىڭ قۇرامداس ەلەمەنتتەرىن يەسىز دەپ تانۋدىڭ، سونداي-اق ولاردى ەسەپكە الۋدىڭ ءتارتىبى بەكىتىلەدى.
سونىمەن قاتار سۋ تۇتىنۋشىلاردىڭ سۋمەن جابدىقتاۋ جانە سۋ بۇرۋ سالاسىنداعى قۇقىقتارى مەن مىندەتتەرى ناقتىلاندى، سونداي-اق سۋمەن جابدىقتاۋ جانە (نەمەسە) سۋ بۇرۋ جونىندەگى ۇيىمداردىڭ قۇقىقتارى مەن مىندەتتەرى ايقىندالدى.
زاڭ جوباسىمەن سۋمەن جابدىقتاۋدىڭ بارلىق كەزەڭدەرىندە - اۋىزسۋمەن جابدىقتاۋ كوزدەرىن تاڭداۋدان باستاپ سۋ تۇتىنۋشىلارعا جەتكىزگەنگە دەيىنگى كەزەڭدەردە اۋىزسۋدىڭ ساپاسىنا قويىلاتىن تالاپتار رەگلامەنتتەلىپ، سۋدى ەسەپكە الۋدىڭ جالپى ەرەجەلەرى ايقىندالدى.
جەر كودەكسىنە وبەكتىلەر سالۋ ءۇشىن جەر ۋچاسكەسىن تاڭداۋ اكتىسىن رەسىمدەۋ كەزىندە بۇرىننان بار ينجەنەرلىك كوممۋنيكاتسيالاردى بەرىلەتىن جەر ۋچاسكەسىنىڭ شەكاراسىنان تىس جەرگە اۋىستىرۋ جونىندەگى نورمالار ەنگىزىلەدى.
زاڭ جوباسىمەن ەكولوگيالىق كودەكستىڭ 225-بابىنا ەلدى مەكەندەردى سۋمەن جابدىقتاۋدى جانە سۋ بۇرۋدى جۇزەگە اسىرعان كەزدە قورشاعان ورتانى قورعاۋ سالاسىنداعى قاتىناستاردى رەتتەۋ بولىگىندە وزگەرىستەر ەنگىزىلەدى. سونىمەن قاتار جوبامەن «ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ تۋرالى»، «مەملەكەتتىك مۇلىك تۋرالى» جانە «رۇقساتتار جانە حابارلامالار تۋرالى» قازاقستان رەسپۋبليكاسىنىڭ زاڭدارىنا ناقتىلاۋشى نورمالار ەنگىزىلەدى.
بيۋدجەت كودەكسىنە ۇزاق مەرزىمدى جانە جەڭىلدىكتى بيۋدجەتتىك كرەديتتەۋ، سونداي-اق سۋمەن جابدىقتاۋ مەن سۋ بۇرۋدىڭ جانە جىلۋمەن جابدىقتاۋدىڭ دامۋىن ەكونوميكالىق ىنتالاندىرۋ رەتىندە سۋبسيديالاۋدى جۇزەگە اسىرۋ تۇرىندەگى مەملەكەتتىك قولداۋ نىساندارىن كوزدەيتىن نورمالار ەنگىزىلەدى.
زاڭ جوباسى پالاتانىڭ قاراۋىنا جىبەرىلدى.
اۆتور: سەرىك قاراجان
