مەملەكەت باسشىسى «قازاق فيلم» بيۋدجەتىن قايتا قاراستىرۋدى تاپسىردى

استانا. قازاقپارات - بۇگىن اقوردادا ۇكىمەتتىڭ كەڭەيتىلگەن وتىرىسىندا ەلباسى نۇرسۇلتان نازاربايەۆ «ۇلكەن ەل - ۇلكەن وتباسى» جوباسىن ىسكە قوسۋ قاجەتتىگىن اتاپ ءوتتى.

«قازىرگى كەزدە «قازاق فيلمگە» جۇمساپ جاتقان قارجىنى تولىعىمەن قايتا قاراستىرۋ كەرەك. بۇل تۇرعىدا قىرۋار قارجى بار. بۇعان دەيىن ولارعا وسىنشاما قاراجات بولىنبەگەن ەدى. قوماقتى قارجى قاجەت باعىتتاردا يگەرىلۋى ءتيىس. تاجىريبەلى ادامداردى، حالىقارالىق مامانداردى تارتۋ كەرەك»، - دەدى پرەزيدەنت.

مەملەكەت باسشىسى «ۇلكەن ەل - ۇلكەن وتباسى» جوباسىن ىسكە قوسۋ قاجەتتىگىن اتاپ ءوتتى. ونىڭ اياسىندا كينو فيلمدەر، سەريالدار، مەملەكەتتىڭ تاريحى تۋرالى، قازاقستاندىق مادەنيەت جايىندا ارنايى باعدارلامالار قۇرىلماق.

ءوز كەزەگىندە مادەنيەت جانە سپورت ءمينيسترى ارىستانبەك مۇحامەدي ۇلى رۋحاني بايلىقتى بەكىتەتىن، پاتريوتتىق سەزىمدەردى وياتاتىن شىعارمالار قويۋ باعىتىندا ءار فيلمدى كوركەمدىك كەڭەستەن وتكىزۋ شارالارى ءجۇرىپ جاتقاندىعىن اتاپ ءوتتى. سونىمەن قاتار، مينيستر قازىرگى كەزدە تەلەارنالارداعى سەريالداردى باقىلاۋ بويىنشا ۇلكەن جۇمىستار اتقارىلىپ جاتقاندىعىن جەتكىزدى.

اۆتور: رۋسلان عابباسوۆ