مينيسترلىكتەردى، كوميتەتتەر مەن اگەنتتىكتەردى قىسقارتقانىمىزبەن شەنەۋنىكتەر قىسقارمايدى - ن. نازاربايەۆ

استانا. قازاقپارات - مينيسترلىكتەردى، كوميتەتتەر مەن اگەنتتىكتەردى قىسقارتقانىمىزبەن شەنەۋنىكتەر قىسقارمايدى. بۇل تۋرالى بۇگىن اقوردادا وتكەن ق ر ۇكىمەتىنىڭ كەڭەيتىلگەن وتىرىسىندا ەلباسى نۇرسۇلتان نازاربايەۆ ايتتى.

«ءبىز مينيسترلىكتەردى قىسقارتتىق، كوميتەتتەردى قىسقارتتىق، اگەنتتىكتەردى قىسقارتتىق، شەنەۋنىكتەر قىسقارمايدى.  قىزىق، ءيا؟ سۋعا باتپايتىن كەمە سياقتى. بىزدە قالاي؟ «سامۇرىق-قازىنا» قىسقارتادى، قىسقارتادى، قۇرتىپ جاتىرمىز دەيدى. ەشكىم ەشقايدا كەتپەيدى. ءبارى وتىر، مىنە قالاي جۇمىس ىستەيمىز»، - دەدى ەلباسى.

ق ر پرەزيدەنتى 1- بولىمدە 7 ادام بولسا، بارلىق جۇمىستى سونىڭ 2 ەۋى عانا اتقاراتىندىعىن اتاپ ءوتتى.

«بارلىعى بارىپ سولاردىڭ موينىنا ارتا بەرەدى. باسقاسى جاي وتىرادى. نەلىكتەن مۇنى تارتىپكە كەلتىرە المايسىزدار؟ سولاي ەمەس پە، بەردىبەك؟»، - دەدى مەملەكەت باسشىسى ق ر پرەمەر-ءمينيسترىنىڭ ورىنباسارى ب. ساپاربايەۆقا قاراتا.

ءوز كەزەگىندە ول بۇل باعىتتاعى جۇمىستار قولعا الىنعانىن اتاپ ءوتتى.

اۆتور: مارلان جيەمباي