ەلباسى: «قىلمىستىلىق كارتاسى» ينتەرنەت پورتالى قۇرىلۋى ءتيىس
«ۇلتتىق اقپاراتتىق جۇيە نەگىزىندە قۇرىلاتىن «قىلمىستىلىق كارتاسىندا» ەلىمىزدە جاسالعان بارلىق قىلمىستار ورنالاستىرىلاتىن بولادى. ونداعى قىلمىستار وقيعا ورىن العان مەرزىم بويىنشا ءبىر اپتا وتپەي جاتىپ سايتتا جاريالانۋى كەرەك. بۇل قوعامدىق باقىلاۋدى قامتاماسىز ەتىپ، ىشكى ىستەر ورگاندارى قىزمەتىنىڭ اشىقتىلىعىن، تيىمدىلىگىن ارتتىرادى»، - دەدى ن. نازاربايەۆ.
بۇدان بولەك، مەملەكەت باسشىسى باس بوستاندىعىنان ايىرۋ ورىندارىنان شىققان ازاماتتاردىڭ الەۋمەتتىك بەيىمدەلۋ ماسەلەسىنە دە نازار اۋداردى. ەلباسىنىڭ ايتۋىنشا، بۇل باعىتتا الەۋمەتتىك بەيىمدەۋدىڭ كەشەندىك ستراتەگيالارى قابىلدانىپ، ونداي ساناتتاعى ازاماتتار ءۇشىن ارنايى قىزمەتتەر ستاندارتى ازىرلەنۋى كەرەك.
«بۇنداي شارا بىزدە جوق. سوندىقتان دا، بوساپ شىققاندار، سول جاققا قايتا بارىپ جاتىر»، - دەدى ن. نازاربايەۆ.
اۆتور: قانات مامەتقازى ۇلى
