قالامگەرلەر مەن دراماتۋرگتەر اراسىندا ەلگە قىزمەت ەتۋ، وتانشىلدىق تاقىرىپتارىندا بايقاۋ جاريالانادى
بۇل تۋرالى بۇگىن اقوردادا وتكەن ق ر ۇكىمەتىنىڭ كەڭەيتىلگەن وتىرىسىندا ەلباسى نۇرسۇلتان نازاربايەۆ ايتتى.
وتىرىس بارىسىندا ەلباسى ق ر مادەنيەت جانە سپورت ءمينيسترى ارىستانبەك مۇحامەدي ۇلىنا مادەنيەت سالاسىنا بولىنگەن قارجى دۇرىس پايدالانۋى قاجەتتىگىن باسا ەسكەرتتى.
«ءوز قۇندىلىقتارمىز بار. ادالدىق، جانۇيانىڭ بىرلىگى، ەلگە قىزمەت ەتۋ، وتاندى ءسۇيۋ دەگەن ماسەلەلەردە شىعارماشىلىق ادامدارعا بايقاۋ جاريالاۋ كەرەك. جاقسى-جاقسى شىعارمالار بولۋى قاجەت. بۇل جازۋشى قاۋىمعا، دراماتۋرگتەرگە بەرىلىپ وتىرعان كەرەمەت مۇمكىندىك قوي»، - دەدى ق ر پرەزيدەنتى.
ءوز كەزەگىندە مينيستر ەلىمىزدىڭ تاريحي ورىندارىن شەتەلدىك ماماندارمەن بىرلەسىپ، زەرتتەۋ جۇمىستارى قولعا الىناتىندىعىن اتاپ ءوتتى.
«بەرەلگە نەمىستەردى شاقىردىق، تامعالىعا جاقىن ارادا كاتاردىڭ مادەنيەت ءمينيسترى كەلەدى. ءبىز سولارمەن بىرگە اتالعان ورىنداردى زەرتتەۋ ءۇشىن حالىقارالىق مادەنيەت سالاسىنداعى ينۆەستتسيالاردى وزىمىزدە قولدانباقپىز»، - دەدى ا. مۇحامەدي ۇلى.
اۆتور: مارلان جيەمباي
