بەس رەفورما قازاقستاندى بۇرىن-سوڭدى بولماعان جاڭا ساتىعا كوتەرەدى - ن. نازاربايەۆ

استانا. قازاقپارات - الداعى بەس رەفورما قازاقستاندى بۇرىن-سوڭدى بولماعان جاڭا ساتىعا كوتەرەدى.

بۇگىن اقوردادا قايتا جاساقتالعان ۇكىمەتتىڭ العاشقى كەڭەيتىلگەن وتىرىسىندا ق ر پرەزيدەنتى نۇرسۇلتان نازاربايەۆ وسىلاي مالىمدەدى.

«ايقىندالىپ وتىرعان جۇمىس وڭاي ەمەس، وتە اۋقىمدى. ءبىلىمدى، كۇش-جىگەردى قاجەت ەتەدى. باسقا ەلدىڭ تاجىريبەسىن زەردەلەي وتىرىپ، اتقارىلاتىن شارالار. بۇل قازاقستاندى بۇرىن-سوڭدى بولماعان جاڭا ساتىعا كوتەرەدى. بارلىق مەملەكەتتەر قازاقستاندى باقىلاپ، كۇتىپ وتىر. سول ءۇشىن حالىقتىڭ ويلاعانىنان شىعاۋىمىز كەرەك. ەڭ باستىسى، بارشاڭىزدا تاجىريبە دە، ءبىلىم دە، بىلىكتىلىك تە بار، جاعداي تولىق جاسالعان. ەندەشە، تەك جۇمىسقا كىرىسۋ كەرەك»، - دەدى ن. نازاربايەۆ.

اۆتور: قانات مامەتقازى ۇلى