21:08, 05 - مامىر 2015 | GMT +5
مەملەكەت باسشىسى نيۋ-يورك، توكيو جانە سينگاپۋرعا اۋە باعىتتارىن اشۋدى تاپسىردى
استانا. قازاقپارات - بۇگىن اقوردادا ۇكىمەتتىڭ كەڭەيتىلگەن وتىرىسىندا ەلباسى نۇرسۇلتان نازاربايەۆ قازاقستاندىق اۋە تاسىمالىنىڭ الەۋەتىن كەڭەيتۋدى تاپسىردى.
«ەۋروپا مەن ازيا اراسىنداعى اۋە تاسىمالىنىڭ جىل سايىنعى كولەمى بۇگىندە 4 ميلليون تونناعا، ال جولاۋشىلار اعىمى 53 ميلليون ادامعا جەتىپ وتىر. قازاقستاندا ترانزيتتى بەس ەسەدەن استام كورسەتكىشكە ارتتىرۋعا الەۋەت بار»، - دەپ اتاپ ءوتتى پرەزيدەنت.
وسى ورايدا ەلباسى قازاقستاندىق اۋە تاسىمالى الەۋەتىن ارتتىرۋ اياسىندا نيۋ-يورك، توكيو، سينگاپۋر سەكىلدى نەگىزگى قارجىلىق ورتالىقتارعا جاڭا باعىتتار اشىلۋى كەرەكتىگىن تاپسىردى.
اۆتور: رۋسلان عابباسوۆ
