قازاقستاندا ەندى زاڭداستىرۋ جۇرگىزىلمەيدى - ق ر پرەزيدەنتى
«تابىستار مەن شىعىستاردىڭ جالپىعا ورتاق دەكلاراتسياسىنان ەنگىزگەنگە دەيىن ءبىز مۇلىكتەردى زاڭداستىرۋعا مۇمكىندىك بەرىپ وتىرمىز»، - دەپ اتاپ ءوتتى وتىرىس بارىسىندا ق ر پرەزيدەنتى.
وسى رەتتە ەلباسى ەلىمىزدىڭ قارجى ءمينيسترى باقىت سۇلتانوۆقا «قازاقستان رەسپۋبليكاسىنىڭ ازاماتتارىنا، ورالماندارعا جانە قازاقستان رەسپۋبليكاسىندا تۇرۋعا ىقتيارحاتى بار ادامدارعا ولاردىڭ مۇلىكتى جاريا ەتۋىنە بايلانىستى راقىمشىلىق جاساۋ تۋرالى» زاڭعا وزگەرتۋلەر ەنگىزۋ قاجەتتىگىن، بۇل رەتتە مۇلىكتى زاڭداستىرۋ مەرزىمىن 5 جىلدان 3 جىلعا دەيىن تومەندەتۋ مۇمكىندىگىن قاراستىرۋدى تاپسىردى.
سونىمەن قاتار مەملەكەت باسشىسى زاڭداستىرىلماعان مۇلكى بار ازاماتتاردى بۇل مۇمكىنشىلىكتى پايدالانۋعا شاقىرىپ، مەملەكەت تارابىنان ەشقانداي قۋدالاۋشىلىق بولمايتىندىعىن باسا ايتتى.
اۆتور: مارلان جيەمباي
