س. كۋلاگين اۋىل شارۋاشىلىعى قىزمەتكەرلەرىن سۋ تاسقىنىنان زارداپ شەككەندەرگە كومەكتەسۋگە شاقىردى

كوكشەتاۋ. قازاقپارات - اقمولا وبلىسىنىڭ اكىمى سەرگەي كۋلاگين اۋىل شارۋاشىلىعى قىزمەتكەرلەرىن كوكتەمگى سۋ تاسقىنىنان زارداپ شەككەندەرگە كومەكتەسۋگە شاقىردى. بۇل تۋرالى بۇگىن كوكشەتاۋدا وتكەن اۋىل شارۋشىلىعى قىزمەتكەرلەرىنىڭ قاتىسۋىمەن وتكەن اگرو كەڭەستە ايتىلدى.

سەرگەي كۋلاگيننىڭ ايتۋىنشا، بيىلعى جىلى وبلىستاعى التى اۋدانداعى ەلدى مەكەندەر تابيعات اپاتىنان زارداپ شەككەن.

«جىل سايىن وبلىسىمىزدا ءبىر وقيعا تىركەلەدى. وتكەن جىلى اتباسار اۋدانىندا جاباي وزەنىنىڭ سۋى تاسىپ تۇرعىنداردى ءبىراز ابىگەرگە سالسا، بيىل التى اۋدانداعى ءبىرقاتار ەلدى مەكەندەر سۋدا قالدى. اسىرەسە، سەلينوگراد اۋدانى كوپ زارداپ شەكتى. بۇگىنگى كۇنى زارداپ شەككەن تۇرعىندار كومەكتى قاجەت ەتەدى. ولارعا قولدان كەلگەنشە كومەك كورسەتىپ جاتىرمىز. ول ءۇشىن ارنايى ەسەپ شوت تا اشىلدى. وعان كىم، قانشا قارجى سالعانى جونىندە ءتىزىم دە بار. بۇگىنگى كۇنى 100 دەن استام مەكەمە كومەك قولىن سوزدى. ولاردىڭ اراسىندا پرەمەر-ءمينيستردىڭ كانتسەليارياسى، ورال قالاسىنداعى توتەنشە جاعدايلار دەپارتامەنتىنىڭ قىزمەتكەرلەرى، قوستاناي وبلىسىنىڭ فەدوروۆ اۋدانىنداعى الەۋمەتتىك مەكەمەلەر بەلسەندىلىك تانىتتى. ال، جەرگىلىكتى جەردەن ازىرگە ونداي بەلسەندىلىك بايقالمايدى. سوندىقتان، بارشاڭىزدى تابيعات اپاتىنان زارداپ شەگىپ، وتىرعان جەرلەستەرىمىزگە كومەك كورسەتۋگە شاقىرامىن»، دەدى وبلىس اكىمى.

اۆتور: اسلان وسپانوۆ