12:03, 05 - مامىر 2015 | GMT +5
الەم جاستارى ءۇشىن ەڭ ۇزدىك قالا انىقتالدى
استانا. قازاقپارات- Youthful Cities سايتى جاس ۇرپاقتىڭ ءومىر سۇرۋىنە ەڭ قولايلى قالالار ءتىزىمىن جاريالادى.
ءبىرىنشى ورىندى نيۋ- يورك مەگاپوليسى يەلەندى. وسى رەتتە جۇرگىزىلگەن ارنايى ساۋالناماعا جاۋاپ بەرۋشىلەر ونىڭ جوعارى دامۋ دەڭگەيى، ساپالى مۋزىكالىق مادەنيەتى مەن كينويندۋسترياسىن اتاپ كورسەتىپتى.
مۇنداعى تۇنگى ءومىر دە جاستاردى قىزىقتىراتىن بولىپ شىقتى. جالپى 100 گە جۋىق قالا قاتىستىرىلعان بۇل رەيتينگتەگى ەكىنشى جانە ءۇشىنشى ورىندار سايكەسىنشە، لوندون مەن بەرلينگە بۇيىرعان. 15-29 جاس اراسىنداعىلار ءۇشىن قۇراستىرىلعان بۇل تىزىمگە كىرۋى ءتيىس قالالاردىڭ ەكولوگيالىق احۋالى مەن ارحيتەكتۋرالىق ەرەكشەلىكتەرى دە قاراستىرىلعان. سونداي- اق وندا جەتكەن جاستار از ۋاقىت ىشىندە جۇمىس تاۋىپ الا الاتىنداي بولۋلارى كەرەك بولعان ەكەن. ال فرانسۋزداردىڭ استاناسى پاريج ءتورتىنشى ورىنعا ورنالاسىپتى. ەڭ قىزىعى، مەحيكو قالاسى ءتىزىمنىڭ توعىزىنشى ورنىن يەلەنگەن.
