سەمەيدە ءتىرى ەسكەرتكىش پايدا بولدى
1941 - جىلى 21 - ماۋسىمدا ءبىلىم ورداسىنىڭ تۇلەكتەرى مەكتەپپەن قوشتاسۋ كەشىندە وسى اعاشتى وتىرعىزعان. جاستار ەمتيحاندارىن ويداعىداي تاپسىرىپ، وقۋ ورىندارىنا بارامىز دەپ جينالعان.
سول كەشتە ءان ايتىلدى، بي بيلەندى. ولار ەرتەڭىندە سوعىس باستالىپ، مايدانعا اتتاتاناتىندارىن بىلگەن جوق ەدى. مىنە، سودان بەرى 74 جىل وتسە دە تەرەك وتكەن كۇننەن بەلگى بولىپ قالدى. جاس ۇرپاققا ءتالىم- تاربيە، ۇلگى- ونەگە بولسىن دەپ ارنايى كوڭىل بولدىك، - دەيدى ۇستازدار قاۋىمى. الىپ تەرەكتىڭ جۋاندىعى 7 ادامنىڭ قۇشاعىنداي.
«بۇل اعاشتىڭ تاريحى جونىندە بۇرىننان بىلەتىن ەدىك. ءوزىم دە وسى مەكتەپتىڭ تۇلەگىمىن. قارت ۇستازدار كوپ اڭگىمەلەگەنمەن، ەسكەرتكىشكە اينالدىرۋدى قۇنتتاماي جۇردىك. ەندى مىنە، جەڭىستىڭ 70 جىلدىعى تۇسىندا وسى ءبىر شارۋانى جۇمىلا قولعا الدىق. قالالىقتار مەن شاھار قوناقتارى كونە اعاشتىڭ قالاي وتىرعىزىلعانى جونىندە كەڭ ماعلۇمات الاتىن بولادى»، - دەيدى سەمەيدەگى № 1 - ورتا مەكتەپ ديرەكتورىنىڭ ورىنباسارى زۋلفيا بەحتولد.
