اتىراۋدا وتكەن رەسپۋبليكالىق اقىندار ايتىسىندا بولاتبەك ورازبايەۆ باس جۇلدەنى جەڭىپ الدى
ءىس- شاراعا «نۇر وتان» پارتياسى ءتوراعاسىنىڭ ءبىرىنشى ورىنباسارى ب. بايبەك، اتىراۋ وبلىسىنىڭ اكىمى ب. ىزمۇحانبەتوۆ، ۇ و س ارداگەرلەرى، قالا تۇرعىندارى، سونداي- اق، ەلىمىزگە تانىمال قوعام قايراتكەرلەرى مەن بۇقارالىق اقپارات قۇرالدارىنىڭ وكىلدەرى قاتىستى.
ايتىستا قىتاي ەلىنەن زۋرا شايدىمۇرات قىزى، استانا قالاسىنان ەركەبۇلان قاينازاروۆ، ايساۋلە بەيسەحان، سەرىكزات دۇيسەنعازين، اسەم ەرەجە قىزى، مەيىربەك سۇلتانحان، اقتوبە قالاسىنان ەرشات قايبولدين، ايان سەيىتوۆ، مارات احمەتوۆ، نارتاي تىلەۋحان، الماتى قالاسىنان بولاتبەك ورازبايەۆ، اتىراۋ قالاسىنان امانگەلدى پانابەردييەۆ، شالقارباي ءىزباساروۆ، جانىبەك سادىروۆ، ونەربەك داۋلەكەنوۆ، اسەل تاۋشانوۆا، سىرىمبەك سارسەنبايەۆ، سالاۋات يساقايەۆ، باياناۋىلدان اسپانبەك شۇعاتايەۆ، باتىس قازاقستان وبلىسىنان باۋىرجان حاليوللا، تاراز قالاسىنان ايتبەك تۇرسىنبايەۆ، قاراعاندى قالاسىنان ماقسات احانوۆ، سەمەي قالاسىنان داۋرەن سەمباي، شىمكەنت قالاسىنان بەكارىس شويبەكوۆ ونەر كورسەتتى.
سوزدەن مارجان تەرگەن دۇلدۇلدەر ەكى كۇن بويى ۇلى جەڭىستىڭ 70 جىلدىق مەرەيتويىمەن قاتار، ەل تاۋەلسىزدىگى، ەكونوميكالىق جەتىستىكتەر، مادەنيەت، رۋحانيات، حالىق بىرلىگى، تاتۋلىق جانە ت. ب. تاقىرىپتاردى قوزعادى.
«نۇر وتان» پارتياسى ءتوراعاسىنىڭ ءبىرىنشى ورىنباسارى ب. بايبەك وسىنداي ايتۋلى مەرەكەنىڭ الدىندا وتكىزىلىپ وتىرعان ايتىستىڭ وتكەنگە تاعىزىم، ال كەيىنگىگە ونەگە ەكەندىگىن اتاپ ءوتتى.
«پارتيا ءۇشىن ەلدىكتى جىرلاعان، ەلباسىنىڭ سايلاۋداعى جەڭىسىن پاش ەتكەن، كەشەگى ۇلى سوعىس جەڭىمپازدارىنىڭ ەرلىگىن دارىپتەگەن ايتىستى قولداۋ اسا ماڭىزدى. ەلباسى الدىمىزعا ماقسات ەتىپ قويعانداي، ءبىز ەلدىك سانا، ءتول مادەنيەت، وتباسىلىق قۇندىلىقتار، رۋحانيات، ءتىلدى ۇدايى ارداقتاۋعا ءازىرمىز» ، - دەدى ساياساتكەر.
ايتىسكەرلەردىڭ ونەرىنە قازاقستاننىڭ حالىق ءارتىسى، مەملەكەتتىك سىيلىقتاردىڭ لاۋرەاتى اسانالى ءاشىموۆ، بەلگىلى كومپوزيتور التىنبەك قورازبايەۆ باستاعان ءادىلقازىلار القاسى تورەلىك ەتتى.
ايتىس قورىتىندىسى بويىنشا باس جۇلدەنى الماتىلىق بولاتبەك ورازبايەۆ جەڭىپ السا، 1 - ورىندى قاراعاندىلىق ماقسات احانوۆ، 2 - ورىندى وڭتۇستىك تۋماسى بەكارىس شويبەكوۆ پەن اتىراۋلىق شالقارباي ءىزباساروۆ، 3 - ورىندى باتىس قازاقستان تۋماسى باۋىرجان حاليوللا جانە استانالىقتار - ەركەبۇلان قاينازاروۆ پەن مەيىربەك سۇلتانحان يەلەندى.
