پولشا پرەزيدەنتى ماسكەۋدەگى جەڭىس شەرۋىنە قاتىسۋدان باس تارتتى
پولشا كونتستيتۋتسياسى كۇنى سالتاناناتتى جيىندا ءسوز العان پولشا باسشىسى اتالمىش شەرۋ ءوزى باسقارعان ەلى مەن كۇللى الەمنىڭ تىنىشتىعىنا قاۋىپ، - دەپ مالىمدەدى.
ول سونداي- اق، رەسەيدى ۋكرايناعا قاستاندىق جاساپ وتىر دەپ ايىپتادى. كوموروۆسكيدىڭ پىكىرىنشە، قازىر باتىس پەن ناتو عانا قاۋىپسىزدىكتى قامتاماسىز ەتە الادى. ءداستۇر بويىنشا، ماسكەۋدەگى ۇلكەن شەرۋگە جىل سايىن كوپتەگەن مەملەكەت جانە حالىقارالىق ۇيىمداردىڭ باسشىلارى شاقىرتىلادى. الايدا بيىل ماسكەۋدىڭ شاقىرتۋىنا كەي ەلدەردىڭ پرەزيدەنتتەرى باس تارتتى. ولاردىڭ قاتارىندا ا ق ش پرەزيدەنتى باراك وباما، ۇلى بريتانيا پرەمەر- ءمينيسترى دەۆيد كەمەرون، پولشا، سلوۆەنيا، سلوۆاكيا، گەرمانيا جانە باسقا دا مەملەكەتتەر باسشىلارى بار.
برونيسلاۆ كوموروۆسكي، پولشا پرەزيدەنتى:
جاقىندا، 9 - مامىردا ماسكەۋ ورتالىعى تانكتەر الاڭىنا اينالادى. الداعى جەڭىس شەرۋى تاريحقا تاعزىم ەمەس، جاڭا اسكەري تەحنيكانى پاش ەتۋ. بۇل بۇگىنگى الەمنىڭ كەيپى. بۇنداي جاعدايدا ءبىز ءوزىمىزدىڭ قاۋىپسىزدىگىمىزدى ويلاۋىمىز قاجەت.
«استانا» تەلەارناسى
