ءمولدىر جاڭبىرباي الەم چەمپيونى اتاندى - فوتو

  قىزىلوردا. قازاقپارات - گرۋزيانىڭ تبيليسي قالاسىندا كاراتە- دو شوتوكاننان وتكەن الەم چەمپيوناتىندا قىزىلوردالىق ءمولدىر جاڭبىرباي جەڭىس تۇعىرىنا كوتەرىلدى.

 الەمنىڭ 25 ەلىنەن 1260 سپورتشى كەلگەن بۇل ءدۇبىرلى دودادا ءمولدىر 16-17 جاس ارالىعىندا 48 كەلىگە دەيىنگى سالماقتا سىنعا ءتۇسىپ، الەم چەمپيونى اتاندى، - دەپ حابارلادى وبلىستىق دەنە شىنىقتىرۋ جانە سپورت باسقارماسىنىڭ باسپا ءسوز قىزمەتىنەن.

 ول جارىس بارىسىندا ءۇش كەزدەسۋ وتكىزىپ، فينالدا گرۋزيا ەلىنىڭ سپورتشىسىن 7:0 ەسەبىمەن جەڭدى. سونداي- اق، كوماندالىق كۋميتەدە ءبىرىنشى ورىندى يەلەندى. كوماندا قۇرامىندا مولدىردەن باسقا ماڭعىستاۋلىقتار دينارا تورتكۇلبايەۆا، رىسكۇل جيەنبايەۆا جانە جامبىلدىق ايگەرىم تۇرسىنبەكوۆالار ونەر كورسەتتى.

 وبلىستىق جوعارى سپورت شەبەرلىگى مەكتەبىندە رۇستەم ابجاميەۆتەن ءتالىم الاتىن م. جاڭبىرباي ۇستىمىزدەگى جىلعى 20-22 - مامىر ارالىعىندا قاراعاندى قالاسىندا بولاتىن ق ر IV سپارتاكياداسىنا قاتىسادى.