الماتى وبلىسىنىڭ ءماسليحات دەپۋتاتتارى ا. باتالوۆتىڭ كانديداتۋراسىنا ءبىراۋىزدان داۋىس بەردى
كۇن تارتىبىنە وبلىس اكىمى رەتىندە اماندىق باتالوۆتى قايتا تاعايىنداۋ ماسەلەسى قويىلدى. بارلىق 44 دەپۋتات ءبىراۋىزدان داۋىس بەردى.
ءوز كەزەگىندە قايتا تاعايىندالعان ءوڭىر باسشىسى حالىق قالاۋلىلارىنىڭ بىلدىرگەن سەنىمىنە العىس ءبىلدىردى. «قىسقا مەرزىمدە الەۋمەتتىك-ەكونوميكالىق ماڭىزدى جوبالاردى جۇزەگە اسىرا باستادىق، بۇل ءارى قاراي دا جالعاسىن تابا بەرمەك. سىزدەردىڭ قولداۋلارىڭىزبەن قارقىندى تۇردە «نۇرلى جول» باعدارلاماسىن ىسكە اسىرۋدى جالعاستىراتىن بولامىز»، - دەپ اتاپ ءوتتى ا. باتالوۆ.
اماندىق باتالوۆ 1952-جىلى 22- قاراشادا دۇنيەگە كەلدى.
جامبىل گيدرو مەليوراتيۆتىك-قۇرىلىس ينستيتۋتىن بىتىرگەن. 1981-1985-جىلدارى - «الماتى وڭدەۋ قۇرىلىس» ترەسىنىڭ 37№ قۇرىلىس- مونتاج باسقارماسىندا اعا پروراب، باس ينجەنەر، باستىق. 1985-1987-جىلدارى - قازاقستان كومپارتياسى لەنين اۋداندىق كوميتەتىنىڭ نۇسقاۋشىسى، قۇرىلىس جانە وندىرىستىك قۇرىلىس ماتەريالدارى قىزمەتكەرلەرى كاسىپوداعى وبلىستىق كوميتەتىنىڭ حاتشىسى، قازاقستان ك پ الماتى قالالىق كوميتەتىنىڭ قۇرىلىس جانە قالا شارۋاشىلىعى ءبولىمىنىڭ نۇسقاۋشىسى.
1987-1989-جىلدارى - قۇرىلىس جانە ونەركاسىپتىك قۇرىلىس ماتەريالدارى وبلىستىق كوميتەتىنىڭ ءتوراعاسى. 1989-1991-جىلدارى - قازاق ك س ر مينيسترلەر كەڭەسى ءىس باسقارماسىنىڭ قۇرىلىس، ونەركاسىپ قۇرىلىس ماتەريالدارى بولىمىندە جەتەكشى مامان، باس مامان. 1991-1992-جىلدارى - ق ر پرەزيدەنتى اپپاراتىندا قۇرىلىس، ونەركاسىپتىك قۇرىلىس ماتەريالدارى ءبولىمىنىڭ رەفەرەنتى. 1992-جىلى - «قۇرىلىس يندۋسترياسى جانە تەحنولوگيا» كونتسەرنىنىڭ ۆيتسە-پرەزيدەنتى. 1992-1994-جىلدارى - الماتى قالاسى كالينين اۋدانى اكىمشىلىگى باسشىسىنىڭ ورىنباسارى، ءبىرىنشى ورىنباسارى.
1994-1995-جىلدارى - لەنين اۋداندىق اكىمشىلىگىنىڭ اكىمى. 1995-2001-جىلدارى - الماتى قالاسى جەتىسۋ اۋدانىنىڭ اكىمى. 2001-2008-جىلدارى - الماتى وبلىسى اكىمىنىڭ ورىنباسارى. 2014-جىلدىڭ تامىز ايىنان الماتى وبلىسىنىڭ اكىمى.
«قۇرمەت» (2008) وردەنىمەن، «استانا»، «قازاقستان تاۋەلسىزدىگىنە 10 جىل» مەدالدارىمەن ماراپاتتالعان.
