پرەزيدەنت ۇسىنعان ەرىك سۇلتانوۆتىڭ كانديداتتىعى س ق و ماسليحاتى سەسسياسىندا قولداۋ تاپتى
ءوڭىر سايلاۋشىلارى بۇل ۇسىنىستى ءبىر اۋىزدان قولدادى.
سەسسيا جۇمىسىنا ق ر پرەزيدەنتى اكىمشىلىگىنىڭ مەملەكەتتىك باقىلاۋ جانە ۇيىمداستىرۋ-اۋماقتىق جۇمىس ءبولىمى مەڭگەرۋشىسىنىڭ ورىنباسارى مارات سەمبەكوۆ قاتىستى.
جينالعان جۇرتشىلىقتىڭ الدىندا ءسوز العان ەرىك سۇلتانوۆ ق ر پرەزيدەنتىنە وزىنە سەنىم ارتقانى ءۇشىن جانە حالىقتىڭ قولداۋى ءۇشىن العىس ايتتى.
«پرەزيدەنت جوعارى قۇرمەت كورسەتىپ، وبلىستى قايتا باسقارۋعا سەنىم بىلدىرگەنى ءۇشىن العىس ايتامىن. سىزدەرگە دە مەنى قولداعاندارىڭىز ءۇشىن راحمەت. الداعى ۋاقىتتا وبلىستىڭ دامۋى جولىندا جەمىستى ىنتىماقتاستىقتا جۇمىس اتقارامىز دەپ سەنەمىن. ءوڭىردىڭ سەرپىندى ۇدەمەلى دامۋىن قامتاماسىز ەتۋ ءۇشىن بار كۇش-جىگەرىمدى، ءبىلىمىمدى، تاجىريبەمدى پايدالاناتىنىمدى اسا جاۋاپكەرشىلىكپەن مالىمدەيمىن. وبلىسىمىز ەلدىڭ ەڭ دامىعان، گۇلدەنگەن وڭىرلەرىنىڭ بىرىنە اينالۋى ءۇشىن ونىڭ باي الەۋەتىن اشۋعا كۇش سالامىن»، - دەدى ول.
وبلىس اكىمىنىڭ ايتۋىنشا، بۇل ءۇشىن الدا ناقتى مىندەتتەردى شەشۋ قاجەت. ەڭ باستىسى اگرو ونەركاسىپتىك كەشەندى دامىتۋعا كوڭىل ءبولۋ قاجەت.
«ەگىس الاڭدارىن ءارتاراپتاندىرۋدى جالعاستىرۋ قاجەت. ءونىمدى بارىنشا كوپ الۋ ءۇشىن بار كۇشىمىزدى جۇمىلدىرامىز. مال شارۋاشىلىعىندا مال باسىن ارتتىرۋ بويىنشا جۇمىستاردى جالعاستىرامىز. اسىل تۇقىمدى ءىرى قارا مال باسىن كوبەيتۋ ءۇشىن اعىمداعى جىلى وبلىستا 1,7 مىڭ باس ءى ق م وسىرەتىن 5 ورىن قۇرۋ جوسپارلانۋدا. ءىرى شارۋاشىلىق قوجالىقتارىن دامىتۋ باعدارلاماسى ازىرلەنۋدە. 14-15- ماۋسىمدا اۋدان اكىمدەرى باعدارلامالارىن ۇسىنادى»، - دەپ مالىمدەدى ءوڭىر باسشىسى.
سونداي-اق، ەرىك سۇلتانوۆ مەملەكەت باسشىسىنىڭ تاپسىرماسى بويىنشا اۋىل شارۋاشىلىعى ونىمدەرىن قايتا وڭدەۋ بويىنشا جۇمىستاردىڭ جالعاستىرىلىپ جاتقانىن اتاپ ءوتتى. وسى جىلى سوماسى 1,7 ميلليارد تەڭگەگە 12 جوبانى ىسكە اسىرۋ جوسپارلانىپ وتىر. 25- ماۋسىمدا س ق و- دا اۋىل شارۋاشىلىعى ونىمدەرىن قايتا وڭدەۋدى دامىتۋ بويىنشا كەشەندى باعدارلاما ۇسىنىلادى.
بۇل الداعى اتقارىلاتىن جۇمىستاردىڭ كەي باعىتتارى عانا. بۇل جۇمىستار بارىسىندا تاۋارلار مەن قىزمەتتەر ءوندىرىسى وسەدى، ەلدىڭ ءال-اۋقاتى، وڭىردە ءومىر ءسۇرۋ دەڭگەيى جاقسارادى. تاياۋ جىلدارى وسىنىڭ بارىنە قول جەكىزەتىنىمىزگە سەنىم بىلدىرەمىن.
سۇلتانوۆ ەرىك حامزا ۇلى 1956-جىلى 24- ناۋرىزدا سولتۇستىك قازاقستان وبلىسى شال اقىن اۋدانىندا تۋعان. قاراعاندى پوليتەحنيكالىق ينستيتۋتىن (قازىرگى قاراعاندى مەملەكەتتىك تەحنيكالىق ۋنيۆەرسيتەتى) بىتىرگەن.
1978-1993-جىلدارى «ەكىباستۇز شاحتا قۇرىلىس» كومبيناتىندا قىزمەت اتقارعان.
1993-1994-جىلدارى - ەكىباستۇز قالالىق اكىمدىگى باسشىسىنىڭ ءبىرىنشى ورىنباسارى.
1994-1995-جىلدارى - قازاقستان رەسپۋبليكاسى جوعارعى كەڭەسى قۇرىلىس، ساۋلەت جانە تۇرعىن ءۇي-كوممۋنالدىق شارۋاشىلىعى جونىندەگى كوميتەتىنىڭ مۇشەسى، قازاقستان رەسپۋبليكاسى ەڭبەك مينيسترلىگى جانىنداعى ەڭبەك قورعاۋ دەپارتامەنتىنىڭ ءتوراعاسى.
1995-1996-جىلدارى - «ەكىباستۇز شاحتا قۇرىلىس» وندىرىستىك بىرلەستىگىنىڭ پرەزيدەنتى.
1996-1998-جىلدارى - مەملەكەتتىك مۇلىكتى باسقارۋ جونىندەگى پاۆلودار اۋماقتىق كوميتەتىنىڭ ءتوراعاسى.
1998-1999-جىلدارى - سولتۇستىك قازاقستان وبلىستىق مەملەكەتتىك مۇلىك جانە جەكەشەلەندىرۋ اۋماقتىق كوميتەتىنىڭ ءتوراعاسى، سولتۇستىك قازاقستان وبلىسى اكىمىنىڭ ورىنباسارى.
1999-2000-جىلدارى - قازاقستان رەسپۋبليكاسى كولىك جانە كوممۋنيكاتسيالار مينيسترلىگى اۆتوموبيل جولدارى دەپارتامەنتىنىڭ ديرەكتورى.
2000-2001-جىلدارى - قازاقستان رەسپۋبليكاسى كولىك جانە كوممۋنيكاتسيالار مينيسترلىگى اۆتوموبيل جولدارى دەپارتامەنتىنىڭ سىرتقى زايمدار جونىندەگى كونسۋلتانتتارىنىڭ باس ۇيلەستىرۋشىسى.
2001-2002-جىلدارى - «قازاق اۆتوجول» ر م ك باس ديرەكتورىنىڭ ءبىرىنشى ورىنباسارى.
2002-2004-جىلدارى - قازاقستان رەسپۋبليكاسى كولىك جانە كوممۋنيكاتسيالار مينيسترلىگى اۆتوموبيل جولدارى جانە ينفروقۇرىلىمدىق كەشەندەر قۇرىلىسى كوميتەتىنىڭ ءتوراعاسى.
2004-2005-جىلدارى - قازاقستان رەسپۋبليكاسى كولىك جانە كوممۋنيكاتسيالار مينيسترلىگى كولىك ينفراقۇرىلىمىن دامىتۋ كوميتەتىنىڭ ءتوراعاسى.
2005-2006-جىلدارى - «قازاق جول قۇرىلىسى» ج ش س- ءنىڭ باس ديرەكتورى.
2006-2008-جىلدارى - استانا قالاسى اكىمىنىڭ ورىنباسارى، ءبىرىنشى ورىنباسارى قىزمەتتەرىن اتقارعان.
2008-2014-جىلدار ارالىعىندا «ق ت ج» ا ق- نىڭ ۆيتسە-پرەزيدەنتى. 2014-جىلدىڭ مامىر ايىنان باستاپ قازىرگى قىزمەتىندە. «قۇرمەت» وردەنىمەن ماراپاتتالعان.
