ءماسليحات دەپۋتاتتارى احمەتجان ەسىموۆتىڭ كانديداتۋراسىن قولدادى - الماتى
سەسسياعا ءماسليحاتتىڭ 30 دەپۋتاتى قاتىستى. 5 ادام بەلگىلى سەبەپتەرمەن قاتىسا المادى.
دەپۋتاتتار قالا اكىمىنىڭ لاۋازىمىنا مەملەكەت باسشىسى نۇرسۇلتان نازاربايەۆ ۇسىنعان احمەتجان ەسىموۆتىڭ كانديداتۋراسىن ءبىراۋىزدان قولدادى.
الماتى قالالىق ءماسليحاتىنىڭ 5 شاقىرىلىمىنىڭ حاتشىسى قالدىباي قازانبايەۆ مەملەكەت باسشىسىنىڭ ۇسىنىسىن وقىپ ءوتتى.
«قۇرمەتتى دەپۋتتار! ق ر كونستيتۋتسياسىنىڭ 87-بابىنىن 4- تارماعىنا سايكەس الماتى قالاسى اكىمى لاۋازىمىنا تاعايىنداۋعا كەلىسۋ ءۇشىن احمەتجان ەسىموۆتىڭ كانديداتۋراسىن ۇسىنىپ وتىرمىن. احمەتجان ەسىموۆ 1950-جىلى تۋىلعان. قازاق اۋىل شارۋاشىلىعى ينستيتۋتىن، قوعامدىق عىلىمدار اكادەمياسىن بىتىرگەن. ەكونوميكا عىلىمدارىنىڭ دوكتورى، مەملەكەتتىك باسقارۋ ورگاندارىندا، ديپلوماتيا سالاسىنداعى باسشى لاۋازىمىندا مول جۇمىس تاجىريبەسى بار. پرەمەر-ءمينيستردىڭ ورىنباسارى، پرەزيدەنت اپپاراتىنىڭ باسشىسى، اۋىل شارۋاشىلىعى ءمينيسترى، قازاقستاننىڭ بەلگيا كورولدىگىندەگى وكىلەتتى ەلشىسى قىزمەتىن اتقارعان. 2008-جىلدىڭ ءساۋىر ايىنان الماتى قالاسى اكىمى قىزمەتىنە تاعايىندالعان. قولداۋلارىڭىزدى سۇرايمىن»، - دەپ جەتكىزدى مەملەكەت باسشىسىنىڭ حاتىن ءماسليحات حاتشىسى.
جيىنعا قاتىسقان دەپۋتاتتار قالانىڭ كوركەيىپ، دامۋىندا، ەكونوميكالىق تۇرعىدان نىعايۋىنا احمەتجان ەسىموۆتىڭ قوسقان ۇلەسىنىڭ ۇشان-تەڭىز ەكەندىگىن ايتتى.
«وتكەندە عانا 2014-جىلعى دامۋ كورسەتكىشتەرىمەن تانىستىق. الماتى قالاسىنىڭ جالپى رەسپۋبليكالىق ج ءا و كورسەتكىشىندەگى ۇلەسى %20,7 دى قۇرادى. بۇل كوپ نارسەدەن حابار بەرەدى. قالا تۇرعىندارىنىڭ دەپوزيتتەگى قارجىسىنىڭ سوماسى 2 تريليون تەڭگەگە جەتتى. بۇل قالا حالقىنىڭ تابىسى ارتىپ كەلە جاتقاندىعىن كورسەتەدى. ماعان كورسەتكەن سەنىمدەرىڭىزگە راحمەت. بۇل - تەك مەنىڭ عانا ەڭبەگىم ەمەس، ءبىر كوماندانىڭ بىرىگە اتقارعان جۇمىسىنىڭ ناتيجەسى»، - دەدى ا. ەسىموۆ.
اۆتور: گۇلميرا عوسمانالي
