مەملەكەت باسشىسى ەلوردادا گەنەرال ي. پانفيلوۆقا ارنالعان ەسكەرتكىشتىڭ اشىلۋ راسىمىنە قاتىسادى

استانا. قازاقپارات - 7- مامىر كۇنى مەملەكەت باسشىسى نۇرسۇلتان نازاربايەۆ ەلوردادا گەنەرال ي. پانفيلوۆقا ارنالعان ەسكەرتكىشتىڭ اشىلۋ راسىمىنە قاتىسادى.

بۇل تۋرالى اقوردانىڭ باسپا ءسوز قىزمەتىنەن حابارلادى.

بۇعان دەيىن حابارلاعانىمىزداي، استانا قالاسىنداعى قوشقاربايەۆ پەن جۇمابايەۆ كوشەلەرىنىڭ قيىلىسىنداعى «جەرۇيىق» ساياباعىندا گەنەرال پانفيلوۆ اتىنداعى اللەيا اشىلادى. پانفيلوۆقا ارنالعان ەسكەرتكىش 2015-جىلدىڭ 7- مامىرىندا رەسمي تۇردە اشىلماق.

نىساننىڭ اۆتورلىق قۇقىعىنىڭ مۇلىكتىك قۇقىعى رينات ابەنوۆكە تيەسىلى.

گەنەرال پانفيلوۆقا ارنالعان ەسكەرتكىشتىڭ ورتاسىندا گۇل شوقتارىن قويۋعا ارنالعان تاقتا ورناتىلادى. ەسكەرتكىشتىڭ ۇزىندىعى - 2,5 مەتر. مونۋمەنت قولادان قۇيىلعان. ودان وزگە، ك س ر و باتىرىنىڭ التىن جۇلدىزى بار 28 ستەللا جاسالدى. ەسكەرتكىشتىڭ شىعىس بولىگىندە اللەيانىڭ بويىندا قازا تاپقان 28 جاۋىنگەرگە ارناپ تابيعي گرانيتتەن ەستەلىك تاقتايشالار قويىلادى.