10:25, 04 - مامىر 2015 | GMT +6
تايسوندى تاڭعالدىرعان قازاقستاندىق بوكسشى
استانا. قازاقپارات - كاسىپقوي بوكستا اۋىر سالماقتاعى ەكس-چەمپيون مايك تايسون WBA (Super) ، IBO جانە (WBC (Interim نۇسقالارى بويىنشا ورتا سالماقتاعى الەم چەمپيونى قازاقستاندىق بوكسشى گەننادي گولوۆكيندى «اتى اڭىزعا اينالعان كەيىپكەر» دەپ اتادى، - دەپ حابارلايدى Vesti.kz.
«گەننادي گولوۆكين تۋرالى اقپارات وتە از. وسىعان قاراماستان، قازاقستاندىق بوكسشى «اتى اڭىزعا اينالعان كەيىپكەر» اتانىپ ۇلگەردى. گولوۆكين مەن كوۆاليەۆ تانىمال سپورتشىلارمەن جەكپە-جەك وتكىزە باستاعاننان كەيىن ناعىز جۇلدىز بولادى»، - دەدى مايك تايسون. ونىڭ ايتۋىنشا، گولوۆكين وتە دورەكى سپورتشى.
سونىمەن قاتار، تايسون قازاقستاندىق سپورتشىعا ۇلكەن بەلەستەرگە جەتۋ ءۇشىن قورعانىس كەرەك ەكەنىن دە مالىمدەدى. ايتا كەتەيىك، گەننادي گولوۆكين كاسىپقوي بوكستا 32 كەزدەسۋ وتكىزىپ (29 نوكاۋت)، 19 رەت ۋاقىتىنان بۇرىن جەڭىسكە جەتتى. وسىلايشا، قازاقستاندىق بوكسشى امەريكالىق مايك تايسوننىڭ رەكوردىن قايتالادى.
