ەمدەلۋشى كەسىلگەن اياعىن قوقىسقا تاستاعان دارىگەرلەردى سوتقا بەردى
امەريكالىقتىڭ اياعىن قوقىس جيناۋمەن اينالىساتىن جەرگىلىكتى كومپانيانىڭ قىزمەتكەرلەرى تاۋىپ الدى. ونىڭ تابانىنا ناۋقاستىڭ مالىمەتتەرى بار ءجىپ جابىستىرىلعان. كومپانيانىڭ قىزمەتكەرلەرى ەلەۋسىز قالدىرماۋدى شەشىپ، ەر ادامدى ىزدەستىرە باستايدى.
ءتارتىپ ساقشىلارى ءبىر ايعا سوزىلعان ىزدەستىرۋ شارالارىنان كەيىن تيميريازەففتىڭ وتباسىن تاۋىپ، وعان قاتىستى قانداي دا ءبىر قىلمىس جاسالعان-جاسالماعانىن انىقتايدى. بۇل جاڭالىقتى بىلگەن وتباسى مۇشەلەرى اۋرۋحاناعا بارعان. ءبىراق ولار وقيعانىڭ جاي-جاپسارىن ايتۋدان باس تارتتى. ال مەكەمەنىڭ مۇنداي ارەكەتتەردى قايتالاماۋ ءۇشىن بارلىق شارانى جۇرگىزەتىنى بەلگىلى بولدى.
تيميريازەففتىڭ ادۆوكاتى كلەي روبەرتس وقيعا جايلى بايانداپ جاتىپ، ادەتتە اۋرۋحانالاردا كەسىلىپ تاستاعان دەنە بولشەكتەرىنىڭ ورتەلەتىنىن ايتتى. ءبىراق ونىڭ كليەنتىنىڭ اياعىنىڭ قوقىستان تابىلعانى ولاردىڭ سوتقا جۇگىنگەن ارىزىندا «ادامگەرشىلىك تارتىپتەن شىققاندىق» رەتىندە قاراستىرىلىپ وتىر.
tengrinews.kz
