استانادا «ۇمىتىلعان باتىرلار» اتتى كىتاپتىڭ تۇساۋى كەسىلەدى

استانا. قازاقپارات - استانا قالاسىندا «ۇمىتىلعان باتىرلار. كەڭەس وداعىنىڭ باتىرلارى» اتتى كىتاپتىڭ تۇساۋكەسەر ءراسىمى وتەدى.

بەرىك ءابدىعالي ۇلىنىڭ كەزەكتى بۇل ەڭبەگىنە ەكىنشى دۇنيەجۇزىلىك سوعىستا ەرەكشە كوزگە ءتۇسىپ، ەرلىك كورسەتكەن وتانداستارىمىز ارقاۋ بولعان.

كىتاپتا كورسەتكەن ەرلىكتەرى ءۇشىن دەر كەزىندە «كەڭەس وداعىنىڭ باتىرى» اتاعىنا ۇسىنىلىپ، بەلگىسىز سەبەپتەرمەن باتىر اتاعى بەرىلمەگەن، تىپتەن جادىمىزدان ءوشىپ قالعان اتالارامىز تۋرالى تىڭ مالىمەتتەر توپتاستىرىلعان.

«ۇمىتىلعان باتىرلار» جايىنداعى مالىمەتتەر رەسەي قورعانىس مينيسترلىگىنىڭ ارحيۆىنەن الىنىپ، العاش رەت جاريالانۋدا.

كىتاپ اۆتورىنىڭ وسىدان بەس جىل بۇرىن مەملەكەتتىك ءتىلدى دامىتۋ قورىنىڭ ديرەكتورى قىزمەتىن اتقارىپ تۇرعان كەزىندە قولعا العان «حالىق باتىرى» جوباسى جەڭىستىڭ 70 جىلدىعى اياسىندا جۇزەگە اسىپ وتىر.

ازىرگە «كەڭەس وداعى باتىرى» اتاعىنا ۇسىنىلعان 10 قازاقستاندىق باتىر جايىندا ماعۇلمات تابىلعان.

جوبا ماقساتى - تاريحي ادىلەتتىلىكتى قالپىنا كەلتىرۋ جانە جاس ۇرپاق بويىنا وتان سۇيگىش قاسيەت دارىتۋ.

جوباعا قولداۋ كورسەتكەن «نۇر وتان» پارتياسىنىڭ قوعامدىق ساياسات ينستيتۋتى مەن «بايقادام حولدينگ» كومپانياسى.