08:22, 04 - مامىر 2015 | GMT +5
عالىمدار تۇتىنۋشىلاردىڭ ساۋدا ورتالىقتارىنان زياندى تاعامداردى ساتىپ الۋىنا جول بەرمەيتىن امالدى تاپتى
استانا. قازاقپارات - نيۋ- يوركتە كورنەلل ۋنيۆەرسيتەتىنىڭ عالىمدارى جاڭا زەرتتەۋ جۇرگىزىپ، سۋپەرماركەتكە (ساۋدا ورتالىقتارى) بارار الدىندا 1 الما جەۋ قاجەتسىز تاۋاردى ساتىپ الۋعا جول بەرمەيتىنىن انىقتادى.
بۇل تۋرالى The Daily Mail حابارلادى.
تاجىريبە بارىسىندا امەريكالىق عالىمدار ەرىكتىلەرگە سۋپەرماركەتكە كىرەر الدىندا الما، نە پەچەنە جەۋدى نەمەسە ولاردان باس تارتۋدى ۇسىنعان. سۋپەرماركەتتەن شىعاردا زەرتتەۋشىلەر ءۇش توپتاعى ادامداردىڭ ساتىپ العان تاۋارلارىن سالىستىردى. ءسويتىپ، الما جەگەندەر قالعان ەكى توپتاعىلارعا قاراعاندا كوكونىس پەن جەمىستى 25 پايىزعا كوبىرەك العانىن اڭعاردى. سونىمەن قاتار عالىمدار الما جەگەن تۇتىنۋشىلار پايدالى ازىق-تۇلىك ونىمدەرىن تاڭداعانىن اتاپ ءوتتى.
«بۇل تاجىريبە ءونىمدى تاڭداۋعا اسەر ەتە الاتىنىمىزدى كورسەتتى. ساتىپ الۋشىلارعا سۋپەرماركەتكە كىرەر كەزدە كوكونىس پەن جەمىستەردىڭ ءبىر ءتىلىمىن جەپ الۋدى ۇسىنامىز»، - دەدى تاجىريبە اۆتورى، دوكتور انەر تال.
