بوكسشى فلويد مەيۆەزەر يەلەنگەن بارلىق تيتۋلىنان باس تارتپاق

استانا. قازاقپارات - امەريكاندىق بوكسشى فلويد مەيۆەزەر بۇگىن يەلەنگەن الەم چەمپيونىنىڭ ءۇش اتاعىنان دۇيسەنبى كۇنى باس تارتاتىنىن ءمالىم ەتتى.

ول بۇل تۋرالى جەكپە-جەكتەن كەيىن وتكىزگەن باسپا ءسوز ءماسليحاتىندا ايتتى.

كوپشىلىك «عاسىر جەكپە-جەگى» دەپ اتاعان 12 راۋندتىق كەزدەسۋ كەشە لاس- ۆەگاستە (ا ق ش، نيەۆادا شتاتى) MGM Grand قوناق ءۇيىنىڭ ارەناسىندا ءوتتى. ۇپاي بويىنشا امەريكاندىق بوكسشى جەڭىسكە جەتتى. ءۇش تورەشى دە 118:110، 116:112، 116:112 ەسەبىمەن مەيۆەزەردى ۇزدىك دەپ تاپتى، دەپ حابارلادى ت ا س س.

وسىلايشا 38 جاستاعى مەيۆەزەر بۇكىل الەمدىك بوكس قاۋىمداستىعى (WBA)، بۇكىل الەمدىك بوكس كەڭەسى (WBC) جانە بۇكىل الەمدىك بوكس ۇيىمى (WBO) نۇسقالارى بويىنشا 66,68 كەلىگە دەيىنگى سالماق دارەجەسىندە الەم چەمپيونىنىڭ ءۇش اتاعىن يەلەندى.

بوكسشى باسپا ءسوز ءماسليحاتى بارىسىندا سونداي-اق مەنني پاكياومەن جەكپە-جەگىندە تاپقان تابىسىنىڭ كولەمى $200 ميلليونعا دەيىن بولۋى مۇمكىن ەكەنىن جەتكىزدى. ول قازىر $100 ميلليون قارجىعا چەكتىڭ يەسى. بۇل كەپىلدەندىرىلگەن سوما، ونىڭ تابىسى تەلەترانسلياتسياعا قۇقىعىن ساتۋ جانە باسقا دا كوزدەردەن تۇسەتىن پايدا ەسەبىنەن ۇلعايا الادى.

مەيۆزەر - ۆ ب ا جانە ۆ ب س نۇسقاسى بويىنشا بەس سالماق ساناتىندا چەمپيوندىق بەلبەۋلەردىڭ يەگەرى. ول 47 رەت جەڭىسكە جەتىپ، (28 نوكاۋت) بىردە-ءبىر رەت جەڭىلمەگەن.