بەس رەفورما جاريالانعان ساتتەن باستاپ بۇل باعىتتاعى جۇمىستاردىڭ بەرىك ىرگەتاسى قالانۋدا - ساياساتتانۋشى

استانا. قازاقپارات - 5 ينستيتۋتسيونالدىق رەفورما جاريالانعاننان بەرى بۇل باعىتتاعى جۇمىستار بەرىك ىرگەتاسىنىڭ نەگىزىندە جۇزەگە اسىپ كەلەدى، دەپ ەسەپتەيدى ساياساتتانۋشى جاقسىلىق ءسابيتوۆ.

«جاڭعىرتۋ بويىنشا ۇلتتىق كوميسسيا ەلباسىن ۇلىقتاۋ راسىمىنەن كەيىنگى كۇنى قۇرىلعانىن اتاپ كەتكەن ءجون. بۇل پرەزيدەنتتىڭ 5 ينستيتۋتسيونالدىق رەفورمانى جۇزەگە اسىرۋعا بەلسەنە كىرىسكەنىن اڭعارتادى. ۇلىقتاۋ راسىمىندە مەملەكەت باسشىسى الەم ەلدەرىنە ەكونوميكالىق تا، قاۋىپسىزدىك تە تۇرعىسىنان جاعىمسىز ىقپالىن تيگىزىپ وتىرعان 5 سىرتقى سىن-قاتەردى اتادى. ولارعا قارسى تۇرۋ ءۇشىن ءتيىستى شارالار قابىلداۋ قاجەت»، - دەپ سانايدى ساراپشى.

جاڭعىرتۋ بويىنشا ۇلتتىق كوميسسيانىڭ ميسسياسى 5 رەفورمانىڭ كەزەڭ-كەزەڭمەن جۇزەگە اسۋىن، مەملەكەتتىك ورگانداردىڭ، بيزنەس-سەكتور مەن ازاماتتىق قوعامداستىق قىزمەتىن ۇيلەستىرۋدى باسقارۋ بولىپ تابىلادى، دەپ ەسكە سالدى ج. ءسابيتوۆ.

«ەلباسىنىڭ رەفورمالارىن جۇزەگە اسىرۋدا بارلىق مەملەكەتتىك، قوعامدىق جانە بيزنەس-قۇرىلىمدار قامتىلدى. مەملەكەتتىك قۇرىلىمنىڭ 100 ناقتى قادامى بەلگىلەنگەن جوسپار قۇرىلاتىنىن اتاپ ءوتۋ كەرەك. جاريالانعاننان باستاپ بارلىق جۇمىس بەرىك ىرگەتاس سياقتى قالانىپ، جۇزەگە اسىپ كەلەدى»، - دەدى ساياساتتانۋشى.