ماسكەۋدەگى «بىرلىكپەن قول جەتكىزگەن ۇلى جەڭىس» فورۋمىنا قازاقستاندىق ارداگەرلەر قاتىستى - فوتو
28-30- ءساۋىر ارالىعىندا وتكەن فورۋم قاتىسۋشىلارىنا رەسەي پرەزيدەنتى ۆلاديمير پۋتين ءوزىنىڭ ءسوزىن ارنادى.
بۇرىنعى وداقتاس رەسپۋبليكالاردان كەلگەن ارداگەرلەر «تاعزىم تاۋىنا» بارىپ، گۇل دەستەلەرىن قويدى. مۇندا كەزىندە ءبىر تۋدىڭ استىندا شايقاسقان ارمەنيا، تاجىكستان، گرۋزيا، قازاقستان، بەلارۋس، ۋكراينا ەلدەرىنىڭ ارداگەرلەرى وتان ءۇشىن جانىن پيدا ەتكەن قارۋلاستارىنا قۇرمەت كورسەتۋ ءۇشىن كەلدى.
سول جەردەگى ۇلى وتان سوعىسىنىڭ ورتالىق مۇراجايىنداعى كورمەدە ەرەكشە ەكسپوناتتار مەن قۇجاتتار قويىلدى. ونى تمد ەلدەرىنىڭ ۇكىمەتتەرى وزدەرىنىڭ مۇراجاي قورلارىنان العاش رەت جىبەرگەن. مۇندا قازاقستاننان گەنەرال پانفيلوۆتىڭ جەكە زاتتارى اكەلىندى. ايتا كەتەيىك، ونىڭ ديۆيزياسى بىشكەك پەن الماتى تۇرعىندارىنان قۇرالعان ەدى.
اتاپ ءوتۋ كەرەك، كەڭەس وداعىنىڭ باتىرى اتاعى 63 ۇلتتىڭ جاۋىنگەرلەرىنە بەرىلگەن.
