قازاقستاندا تەمەكىنى بالالارعا ساتاتىن ورىنداردى انىقتاۋ جۇمىسى باستالدى
«ايلىق اياسىندا ەلىمىزدىڭ بارلىق وڭىرلەرىندە تەمەكى بۇيىمدارىن كامەلەتكە تولماعان تۇلعالارعا ساتاتىن ورىنداردى انىقتاۋعا ارنالعان رەيدتەر؛ مەديتسينالىق-سانيتاريالىق العاشقى كومەك (م س ا ك)، ۇيىمدارىندا مەديتسينالىق جانە الەۋمەتتىك قىزمەتكەرلەرگە، پسيحولوگتارعا ارنالعان سەمينار-ترەنينگتەر؛ م س ا ك ۇيىمدارىندا، ناركوديسپانسەرلەردە جانە ستۋدەنتتىك ەمحانالاردا ناركولوگ-دارىگەرلەر، الەۋمەتتىك قىزمەتكەرلەر جانە پسيحولوگتار كەڭەس بەرەتىن اشىق ەسىك كۇندەرى؛ تەمەكى تارتۋ پروبلەمالارى بويىنشا دوڭگەلەك ۇستەلدەر مەن دەباتتار وتكىزىلەدى»، دەپ اتاپ وتىلگەن ق ر دەنساۋلىق ساقتاۋ جانە الەۋمەتتىك دامۋ مينيسترلىگى مالىمەتىندە.
2014-جىلى قازاقستاندا تەمەكى تارتۋ تۋرالى ەرەسەك تۇرعىندار اراسىندا Global Adult Tobacco Survey (GATS) عالامدىق ساۋالناماسى جۇرگىزىلدى. زەرتتەۋدىڭ نەگىزگى ناتيجەلەرى قوعامدىق دەنساۋلىقتى نىعايتۋ جانە تەمەكى تۇتىنىنەن تۇرعىنداردى قورعاۋ جونىندەگى مەملەكەتتىك ساياساتتى قالىپتاستىرۋ بارىسىندا ەسكەرىلەدى.
تەمەكى تارتۋ - دەنساۋلىققا زيان كەلتىرەتىن ەلەۋلى قاۋىپتەردىڭ ءبىرى. جىل سايىن الەمدە 5 ميلليوننان استام تەمەكى تارتۋشىلار مەن بۇرىن شەككەندەر قايتىس بولىپ، تەمەكى ءتۇتىنىنىڭ زيانىنان 600 مىڭنان اسا تەمەكى تارتپايتىن ادام كوز جۇمادى. ءاربىر 6 سەكۋند سايىن تەمەكىدەن 1 ادام قايتىس بولادى، بۇل - ەرەسەك ادامدار اراسىنداعى ءاربىر ونىنشى ءولىم.
اۆتور: رۋسلان عابباسوۆ
