پەتروپاۆلدا ۇلتتىق گۆارديانىڭ اسكەري ينستيتۋتىندا دوستىق فەستيۆالى ءوتتى - فوتو

پەتروپاۆل. قازاقپارات - پەتروپاۆلدا ق ر ۇلتتىق گۆاردياسىنىڭ اسكەري ينستيتۋتىنىڭ كۋرسانتتارى قازاقستان حالقىنىڭ بىرلىگى كۇنىن اتاپ ءوتتى. ولار مەرەكەلىك دوستىق فەستيۆالىنە قاتىستى.

اسكەري ينستيتۋتتا وزبەكستان، تاجىكستان، ۋكراينا، بەلارۋس، ازەربايجان جانە قىرعىزستان ەلدەرىنەن كەلگەن كۋرسانتتار ءبىلىم الىپ جاتىر. مۇندا بارلىعى 14 ۇلتتىڭ وكىلى وقيدى. ونىڭ بارلىعى حالىق بىرلىگىن باعالايدى.

«مەن تاجىكستاننان كەلگەن كۋرسانتپىن. اسكەري ينستيتۋتتا ءبۇتىن ءبىر وتباسىنداي ءومىر ءسۇرىپ كەلەمىز. دوستارىم ءتۇرلى ۇلتتاردىڭ وكىلدەرى.

قازاقستاندا ءبىلىم الىپ جاتقانىمدى ماقتان تۇتامىن. بارشا حالىقتى جاقسىلىق پەن بەيبىتشىلىك مەرەكەسىمەن قۇتتىقتايمىن»، - دەدى سۋلتانمۋرات سيديكوۆ.

كۋرسانتتار قازاقستاندا تۇراتىن ۇلتتاردىڭ مادەنيەتىمەن تانىستىردى.

فەستيۆال قورىتىندىسى بويىنشا وعان قاتىسقان اسكەري ينستيتۋتتىڭ 8 روتاسىنىڭ كۋرسانتتارى باعالى سىيلىقتار مەن گراموتالارعا يە بولدى.