شەتەلدىك كومپانيا تۇرعىن ۇيگە ارنالعان ەلەكتر باتارەيالارىن شىعاردى
بۇل تۋرالى كومپانيانىڭ باسشىسى، بەلگىلى ونەرتاپقىش جانە كاسىپكەر يلون ماسك ونىڭ تانىستىرىلىمىندا ءمالىم ەتكەن.
بۇعان دەيىن Tesla ەلەكتر دۆيگاتەلدى اۆتوموبيل ءوندىرىسىنىڭ الەمدىك كوشباسشىسى رەتىندە تانىمال بولعان ەدى. ەندى ول ۇيلەردى جانە قوعامدىق مەكەمەلەردى ەلەكتر ەنەرگياسىمەن جابدىقتاۋدى قولعا العالى وتىر.
«ءبىز نارىققا جاڭا ونىمىمىزبەن - Powerwall ءۇي ەلەكتر باتارەيالارىمەن شىقپاقپىز، - دەپ ءمالىم ەتتى ماسك. - ەندى قۇراما شتاتتارعا مۇناي مەن گازدان باس تارتىپ، جاڭا ەنەرگەتيكاعا كوشۋىنە تۋرالى كەلەدى. ءبىز ۇيلەردى كۇن ەنەرگياسى مەن جاڭا ۇرپاق باتارەيالارىن بىرىكتىرۋ ەسەبىنەن ەلەكتر ەنەرگياسىمەن قامتاماسىز ەتۋگە مۇمكىندىك بەرەمىز. ول ەلەكتر ەنەرگياسىن ساقتاۋعا دا مۇمكىندىك بەرەدى».
Powerwall قۇيما-يوندى باتارەياسى كۇن ساۋلەسىمەن جۇمىس جاسايتىن گەنەراتوردان قۋات الادى. «ءبىز ءداستۇرلى كومىرمەن، مازۋتپەن نەمەسە باسقا دا جەراستى قازبالارىنان جاسالعان وتىنمەن جۇمىس ىستەيتىن ەلەكتر ستانسالارىنان تولىق باس تارتۋعا بولاتىن جۇيە جاسادىق»، - دەپ مالىمدەدى Tesla باسشىسى.
كومپانيا وسى جىلعى جازدىڭ سوڭىنا قاراي تۇرعىن ۇيلەرگە ارنالعان 10 كۆت/ساعاتتىق باتارەيالاردى 3,5 مىڭ دوللاردان، 7 كۆت/ساعاتتىق باتارەيانى 3 مىڭ دوللاردان ساتۋدى كوزدەپ وتىر.
