08:38, 03 - مامىر 2015 | GMT +5
ا ق ش سيريادا بەيبىت تۇرعىنداردىڭ قازا بولۋى تۋرالى حابارلاردى تەكسەرۋدە
استانا. قازاقپارات - ا ق ش- تا ۆاشينگتون باستاعان حالىقارالىق كواليتسيانىڭ اۆيا سوققىسى ناتيجەسىندە سيريادا سوڭعى كۇندەرى 52 بەيبىت تۇرعىننىڭ قازاعا ۇشىراعانى تۋرالى حابارلامانى تەكسەرۋدە، دەپ حابارلادى BBC.
بۇدان بۇرىن سيريالىق قۇقىق قورعاۋشىلار كواليتسيا ۇشاقتارى كوباني قالاسى اۋدانىندا «يسلام مەملەكەتى» سودىرلارىنا سوققى بەرۋ بارىسىندا 52 بەيبىت تۇرعىننىڭ قازاعا ۇشىراعانى تۋرالى حابارلاعان بولاتىن.
پەنتاگون بۇل حابارلامالاردى قۋاتتاعان جوق.
حالىقارالىق كواليتسيا وكىلدەرى اۆياشابۋىلداردىڭ ناتيجەسىندە بۇل كۇندەرى «يسلام مەملەكەتى» سودىرلارىنىڭ جەتى پوزيتسياسى جويىلعانىن مالىمدەدى.
