00:14, 03 - مامىر 2015 | GMT +5
ورىس عالىمى مارستاعى ومىرگە قالاي بەيىمدەلۋگە بولاتىنىن تاپتى
استانا. قازاقپارات- رەسەي عالىمدارى مارستاعى تىرشىلىككە قالاي تەز بەيىمدەلۋگە بولاتىنىن ويلاپ تاپتى. بۇل تۋرالى ufatime.ru سايتى حابارلادى.
ارحانگەلسك قالاسىندا تۇراتىن زەرتتەۋشى الەكساندر پوپوۆ بۇل ءۇشىن الدىمەن قىزىل پلانەتاعا كومىرقىشقىل گازىن جىبەرۋدى ۇسىنادى. ونىڭ ويىنشا، بۇل مۇنداعى اۋانى جىلىتادى ەكەن.
الەكساندر پوپوۆ مۇنى مارستىڭ قازىرگى اتموسفەراسىنىڭ جىلۋدى ۇستاپ تۇرۋعا قاۋقارسىز ەكەنىن العا تارتۋ ارقىلى ۇسىنىپ وتىر. ال جىلۋدى ساقتاتىپ قالۋ ءۇشىن وعان پارنيكتى اسەر جاساۋ كەرەك. ەگەر شاڭدى بوران كەزىندە ساز بالشىقتى مينەرال مەن اس تۇزىن قىزدىرسا، ودان كومىرقىشقىل گازى شىعادى دا اتموسفەرانىڭ كولەمى ۇلعايىپ، پلانەتانىڭ جوعارعى قاباتى جىلي تۇسەدى. عالىم قازىر ءوزىنىڭ يدەيالارىن تالداپ جاساۋعا گرانت الدى. روس پاتەنت ءوزىنىڭ بۇل جوباسىن «عارىش ورتاسىنداعى پارامەترلەردى موديفيكاتسيا جاساۋ سالاسىنداعى ونەرتاپقىشتىق» دەپ اتاپ وتىر.
«ەگەمەن قازاقستان» گازەتى
