17:13, 02 - مامىر 2015 | GMT +5
زەينەتكەردىڭ جۇدىرىعى ايۋدى شوشىتتى
استانا. قازاقپارات- امەريكالىق كارل مۋر ءتورت اياقتى دوستارىن قورعاۋ ءۇشىن 300 كەلىلىك ايۋمەن جەكپە- جەككە ءتۇستى.
بۇل تۋرالى epochtimes.ru حابارلايدى.
73 جاستاعى قارت ءوز فيرماسىنىڭ شارۋاسىمەن ۇيىندە كەزدەسۋ وتكىزىپ جاتقان. كەنەتتەن يتتەردىڭ ۇرگەن داۋىسىن قۇلاعى شالعان ول اۋلاعا اتىپ شىعادى. قاراسا، جىرتقىش ايۋ يتتەرگە جاقىنداپ قالعان ەكەن. جۇدىرىعىن اۋاعا سەرمەپ، جىرتقىشقا ايبار كورسەتكەن زەينەتكەردەن شوشىعان مايماق كەرى قايتا باستاعان. وسى ساتتە ونى قۋىپ جەتكەن قارت ايۋدىڭ تۇمسىعىنا جۇدىرىقپەن ءبىر قويىپتى.
مۋردىڭ ايتۋىنشا، ول ءوزىنىڭ سۇيىكتى ەكى ءيتىن ايۋدىڭ تارپا باس سالماق بولعانىنا قاراپ تۇرا الماپتى. سونداي- اق كاسىپكەر ءوزىنىڭ جوعالعان بالاپاندارىن دا وسى ايۋدان كورىپ وتىر. تاۋىق بالاپاندارى ۇرلانعاننان كەيىن پوليتسيا ونىڭ ايۋدى اتۋىنا رۇقسات بەرگەن. ءبىراق مۋر جىرتقىشتى ولتىرگىسى كەلمەيتىندىگىن، تەك تۇمسىعىن ۇرىپ، تارتىپكە سالعاندىعىن ايتتى.
