بىرىككەن اراب امىرلىگىندەگى قازاقستاندىقتار جەرلەستەر رەتىندە العاش رەت باس قوستى - فوتو
امىرلىك مەگاپوليسىنىڭ ورتالىق ساياباقتارىنىڭ بىرىندە ءۇش جۇزدەن استام ادام قاتىسقان شارا عالامتورداعى الەۋمەتتىك جەلى ارقىلى قازاقستاندىق بەلسەندىلەردىڭ كوپتەگەن جەرلەستەرىنىڭ جينالۋىنا مۇرىندىق بولۋىنىڭ ارقاسىندا جۇزەگە استى.
قازاقستاندىق قاۋىم بەلسەندىسى باعدات داربابايەۆانىڭ ايتۋىنشا، شارانىڭ ماقساتى - شەتەلدە تۇراتىن قازاقستاندىقتاردىڭ اراسىندا ءوزارا دوستىق قارىم- قاتىناس پەن ءبىر- بىرىنە قولداۋ كورسەتۋ مۇمكىندىگىن تۋدىرۋ.
«مۇنداي قاۋىمداستىقتار جات ەلدە ۇلكەن قولداۋ. وتانىمىز تۋرالى كەز كەلگەن ءسوز مۇنداعى قازاقستاندىقتاردا جىلى سەزىمدەر تۋدىرارى حاق. ولار ءارى قاراي جوسپارلارىمىز تۋرالى سۇراپ، ولاردى ۇيىمداستىرۋدا كومەك قولدارىن سوزۋعا نيەت ءبىلدىردى. وسىلايشا، بۇگىنگى شارادا ۇيىمداستىرۋشىلاردىڭ دا، قوناقتاردىڭ دا ۇمىتتەرى اقتالدى»، - دەيدى ب. داربابايەۆا.
شارا بارىسىندا ارمرەسلينگ، ارقان تارتۋ ءتارىزدى سپورتتىق جارىستار ءوتىپ، كەلۋشىلەر ۇلتتىق تاعامداردان ءدام تاتتى، قىزىقتى كونكۋرستار ۇيىمداستىرىلىپ، باعالى سىيلىقتار ويناتىلدى.
امىرلىكتەگى قازاقستاندىقتاردىڭ كەشىندە ەرەكشە ەستە قالعانى - قوناقتاردىڭ بىرىگىپ بەلگىلى ءانشىنى ەسكە الۋ قۇرمەتىنە باتىرحان شۇكەنوۆ پەن «ا- ستۋديو» توبىنىڭ ءانىن شىرقاۋى بولدى.
دۋبايداعى وتانداستارىمىزدىڭ بەلسەندىلەرى ب ا ءا- ىندەگى ق ر ازاماتتارىنىڭ كونسوليداتسياسىنا باعىتتالعان قوعامدىق جوسپارلارىنىڭ ءارى قاراي كەڭەيتىلەتىنىن، مۇنىڭ قازاقستاندىق- امىرلىكتىك قارىم- قاتىناستاردى نىعايتا تۇسەتىنىن اتاپ ءوتتى. ولار شارانى ۇيىمداستىرۋعا قولداۋ بىلدىرگەن دۋبايداعى ق ر باس كونسۋلدىعى مەن قازاقستاندىق ازاماتتار نەگىزىن سالعان Uni-Tech Middle East كومپانياسىنا العىستارىن ءبىلدىردى.
