ءۇندىستانداعى سايىس عالامتوردى ءدۇر سىلكىندىردى

استانا. قازاقپارات - ءۇندىستاننىڭ بادحياد قالاسىندا سۋفيلەردىڭ ۋرس فەستيۆالىندە يوگامەن اينالىساتىندار ءوز كوزدەرىن وزدەرى شۇقىپ، جارىسقا تۇسەدى ەكەن. فەستيۆالدە تۇسىرىلگەن سۋرەتتەر قازىر عالامتور جەلىلەرىندە تارالىپ، جۇرتتىڭ جاعاسىن ۇستاتىپ وتىر.

 بۇل تۋرالى Bnews.kz حابارلايدى.

ۇندىستەر جينالعان قاۋىم الدىندا ءوز دەنەلەرىن تەمىرمەن تەسىپ، كوزدەرىن بىزبەن شۇقىپ، جارىسۋدى كوپتەن بەرى ادەتتەرىنە اينالدىرعان.

الايدا، كۋاگەرلەردىڭ ايتۋىنشا، دەنەلەرىن قانشا تەسكىلەسە دە ولاردىڭ دەنساۋلىعىنا تيتتەي دە زيانى تيمەيدى ەكەن. بۇلاي دەۋىمىزگە سەبەپ - جارىسقا قاتىسقانداردىڭ بىردە- ءبىرى 6 كۇندىك دودادان كەيىن دارىگەرلەردىڭ كومەگىنە جۇگىنبەۋى دالەل.

جىل سايىن وسى جارىسقا قاتىسۋ ءۇشىن الەمنىڭ ءتورت بۇرىشىنان مىڭداعان ادام جينالادى ەكەن. بۇل كۇنى سۋفيلەر چيشتيا باۋىرلاستىعىنىڭ ءپىرى بولعان مۋينۋددين حاسان ءچيشتيدىڭ تۋعان كۇنىن اتاپ وتەتىن كورىنەدى. بيىل بۇل ءدىني قايراتكەردىڭ ومىردەن وزعانىنا 800 جىل تولىپ وتىر.