15:34, 01 - مامىر 2015 | GMT +5
ن. مادۋرو ن. نازاربايەۆتى قازاقستان پرەزيزدەنتى لاۋازىمىنا قايتا سايلانۋىمەن قۇتتىقتادى
استانا. قازاقپارات - نۇرسۇلتان نازاربايەۆتىڭ اتىنا ونىڭ قازاقستان رەسپۋبليكاسى پرەزيدەنتى بولىپ سايلانۋىنا بايلانىستى ۆەنەسۋەلا پرەزيدەنتى نيكولاس مادۋرونىڭ قۇتتىقتاۋ جەدەلحاتى كەلىپ ءتۇستى.
بۇل تۋرالى اقوردانىڭ باسپا ءسوز قىزمەتىنەن حابارلاندى.
نيكولاس مادۋرو ۆەنەسۋەلا ۇكىمەتىنىڭ جانە جەكە ءوزىنىڭ اتىنان نۇرسۇلتان نازاربايەۆتى قازاقستان رەسپۋبليكاسىنىڭ پرەزيزدەنتى لاۋازىمىنا قايتا سايلانۋىمەن قۇتتىقتادى.
«ۆەنەسۋەلا بوليۆارياندىق رەسپۋبليكاسىنىڭ حالقى مەن ۇكىمەتى ورتالىق ازيا حالىقتارىمەن، اسىرەسە قازاقستان رەسپۋبليكاسىمەن كوپپوليارلى جانە كوپورتالىقتى الەمدىك ءتارتىپ قۇرۋ باعىتىنداعى بىرلەسكەن جۇمىستى جالعاستىرۋ ءۇشىن نيەتتەس ەكەنىن بىلدىرەدى»، - دەلىنگەن جەدەلحاتتا.
