مەيرامحانالار مەن بارلاردا شىلىم شەگۋگە تىيىم سالىنباق

استانا. قازاقپارات - سەبەبى بۇل مەملەكەت ەۋروپاداعى شىلىم شەگۋشىلەر مەن وكپە اۋرۋىنا شىلدىققاندار جاعىنان الدىڭعى ورىندا تۇر.

الايدا جەرگىلىكتى تۇرعىنداردىڭ بۇل شەشىمگە قاتىستى كوزقاراسى ەكىگە جارىلدى. اۆستريادا قوعامدىق ورىنداردا تەمەكى تارتۋعا تىيىم سالىنعانىنا بيىل 6 جىل بولدى.

الايدا بۇل زاڭنىڭ مەيرامحانالار مەن بارلارعا قاتىسى بولعان جوق. ەندى بيلىك سول زاڭعا وزگەرىس ەنگىزبەك. ويتكەنى ەلدە شىلىمعا اۋەس جاستاردىڭ قاتارى ارتىپ كەلەدى. زەرتتەۋ جۇمىستارى كورسەتكەندەي، اۆستريادا 18 بەن 28 جاس ارالىعىنداعى ەر ادامداردىڭ %52 ى، ال ايەلدەردىڭ %34 ى تەمەكىنى تۇراقتى تارتادى. ولاردىڭ اراسىندا جاس انالار دا بار.

ال ەلدە وكپە اۋرىنا شالدىققانداردىڭ %90 ى سول شىلىمقۇمارلار.

ءبىراق جاڭا زاڭعا قارسى شىعىپ جاتقاندار دا از ەمەس. ولاردىڭ پايىمداۋىنشا، بۇل ادام قۇقىعىن بۇزۋمەن تەڭ.

مانۋەلا ليبل، زاڭعا قارسى شىعۋشى:

- بيلىك بىزگە نە ىستەۋ كەرەك ەكەنىن ايتقانىن قالامايمىز. ۇناتقان ءىسىمىزدى جاساۋعا قۇقىمىز بار. سول سەبەپتى مۇنداي بۇل تىيىمعا قارسىمىز.

وسىلاي دەپ ۇرانداتقان بىرنەشە مىڭ ادام جۋىردا پارلامەنت عيماراتىنىڭ الدىندا شەرۋگە شىقتى. ەلمۋت گيۋنتەر، ۆەنا قالاسىنىڭ تۇرعىنى:

- مەن مەيرامحانا يەلەرىنە قىسىم كورسەتىلۋىنە قارسىمىن. بۇعان دەيىن ولار شىلىم شەگۋشىلەر مەن شەكپەيتىندەرگە ارنالعان ورىندى ءبولۋ ءۇشىن عيماراتتارىن قايتا سالعان بولاتىن. ەندى ولارعا قايتا وزگەرتۋلەر جاساۋ كەرەك. بۇل ۇلكەن شىعىن. ادام وڭ مەن سولىن ءوزى شەشۋى كەرەك.

دەگەنمەن جاڭا ەرەجەنى قولدايتىندار دا تابىلىپ جاتىر. ولار پىكىرى بىلاي.

مارتين شتاين، شەرۋگە قاتىسۋشى:

- مەن بۇگىن شەرۋگە ارنايى كەلدىم. ويتكەنى ادامداردىڭ شىلىم شەگۋگە تىيىم سالاتىن زاڭعا قانداي ءۋاج ايتاتىندارىن ەستىگىم كەلدى. ولاردى تۇسىنبەيمىن. تەمەكىنىڭ مۇلدە پايداسى جوق ەكەنى ايدان انىق قوي؟!

بۇنداي قاراما-قايشى پىكىر تەك قوعامدا عانا ەمەس، زاڭ قىزۋ تالقىعا تۇسكەن پارلامەنت قابىرعاسىندا دا شىقتى. ايتسە دە، تەمەكىگە تىيىم سالاتىن زاڭ كۇشىنە ەنەتىن كۇن الدا. ماماندار ونى 2018 -جىلى بولاتىنىن ايتادى.

www.24.kz