رۋسلان ماديەۆ قارسىلاسىن ءۇشىنشى راۋندتا نوكاۋتقا جىبەردى

استانا. قازاقپارات - 22 جاستاعى بوكسشى رۋسلان ماديەۆ كاسىبي الاڭداعى ءتورتىنشى جەكپە-جەگىندە امەريكالىق كريستيان سانتيبانەستى تەحنيكالىق نوكاۋتپەن ۇتتى.

بۇل تۋرالى GGG Team توبىنىڭ ۆكونتاكتەدەگى رەسمي پاراقشاسىندا ايتىلعان، دەپ حابارلايدى BNews.kz ءتىلشىسى.

ءبىرىنشى جارتىلاي ورتا سالماقتا وتكەن جەكپە- جەك ءۇشىنشى راۋندتا اياقتالدى.

تارتىستى كەزدەسۋ كاليفورنيانىڭ ينديو قالاسىندا «Fantasy Springs Casino» ارەناسىندا ءوتتى.  ەستەرىڭىزگە سالىپ وتسەك، جاس بوكسشى بۇعان دەيىن وتكىزگەن ءۇش كەزدەسۋىن دە جەڭىسپەن اياقتاعان ەدى، ونىڭ بىرىندە رۋسلان قارسىلاسىن نوكاۋتپەن ۇتتى.