نەپال تۇرعىندارى گۋمانيتارلىق كومەك الىپ كەلە جاتقان جۇك كولىكتەرىنىڭ جولدارىن بوگەۋگە كىرىستى

استانا. قازاقپارات - تۇرعىنداردىڭ ايتۋىنشا، جەر سىلكىنىسىنە قارسى بيلىك تاراپىنان جاسالىپ جاتقان ناقتى ءىس-ارەكەتتەر از كورىنەدى.

سونىمەن قاتار تۇرعىندارعا گۋمانيتارلىق كومەك سايكەسىنشە ۇلەستىرىلمەيدى ەكەن. سونداي-اق ەلدىڭ شالعاي وڭىرىنەن كاتماندۋعا كوشىرىلگەن تۇرعىنداردىڭ دا جاعدايلارى ءماز ەمەس.

ولاردى كوشىرۋ ءۇشىن ايماقتا اۆتوبۋس جەتىسپەيدى. نەپال بيلىگى گۋمانيتارلىق كومەكتىڭ ەلگە سايكەسىنشە ۇلەستىرىلەتىنىن مالىمدەدى.

ەل باسشىسى بۇرىن-سوڭدى ءدال مۇنداي اۋىر اپاتتىڭ بولماعاندىعى جونىندە تۇسىنىك بەردى. سوڭعى مالىمەت بويىنشا، جەر سىلكىسىنى سالدارىنان 5,5 مىڭ ادام وپات بولعان. ەلدىڭ بيلىك وكىلدەرى ءزىلزالا سالدارىنان قازا تاپقانداردىڭ سانى مۇنان ەكى ەسە كوپ بولۋى مۇمكىن ەكەندىگىن ايتۋدا.

www.khabar.kz