پەتروپاۆلدا ازات ەتۋشى جاۋىنگەرگە ارنالعان ەسكەرتكىش ورناتىلدى - فوتو

پەتروپاۆل. قازاقپارات - پەتروپاۆلدا جەڭىس ساياباعىن اۋقىمدى تۇردە قالپىنا كەلتىرۋ جۇمىستارى جۇرگىزىلىپ وتىر.

سولتۇستىك قازاقستاندىق كەڭەس وداعى باتىرلارىنىڭ ەسىمدەرى جازىلعان پيلوندار مەن ازات ەتۋشى جاۋىنگەرگە ارنالعان ەسكەرتكىش ورناتىلدى.

«جەڭىستىڭ 70 جىلدىعىن اتاپ ءوتۋ جىلى قالا اكىمدىگى سولتۇستىك قازاقستان وبلىسىنىڭ اكىمى ەرىك سۇلتانوۆتىڭ تاپسىرماسى بويىنشا جەڭىس ساياباعىن قالپىنا كەلتىرۋ بويىنشا اۋقىمدى جۇمىستاردى جۇرگىزىپ وتىر. ساياباق 1985 -جىلى ۇلى وتان سوعىسىنداعى جەڭىستىڭ 40 جىلدىعىندا اشىلدى. 2010 -جىلى ساياباقتىڭ ورتالىق اللەياسى قالپىنا كەلتىرىلسە، بيىل ءبىز سولتۇستىك قازاقستاندىق باتىرلارىنىڭ داڭق اللەياسىن قۇردىق. اقپاراتتىق پيلوندارعا 66 سولتۇستىكقازاقستاندىق باتىردىڭ ەسىمى جازىلدى. سونداي-اق ءبىزدىڭ جەرلەستەرىمىز قاتىسقان باس شايقاستاردىڭ پيلوندارى ورناتىلدى. بۇل ماسكەۋ، لەنينگراد قورعانىسى، ەۋروپا ەلدەرىن ازات ەتۋ، بەرليندى باسىپ الۋ وقيعالارى»، - دەپ اقپاراتتاندىردى پەتروپاۆل قالاسى اكىمىنىڭ ورىنباسارى ەلەنا باللو.

سونداي-اق جەڭىس ساياباعىندا ازات ەتۋشى جاۋىنگەرگە ارنالعان ەسكەرتكىش ورناتىلدى. ونىڭ بيىكتىگى - 4,5 مەتر. سالماعى 3 تونناعا جۋىق. اۆتورى - ءمۇسىنشى سۆەتلانا بريۋتوۆا.