ا. گۇل ن. نازاربايەۆتىڭ ستراتەگيالىق مىندەتتەردى تابىستى جۇزەگە اسىرۋىنا تىلەكتەستىك ءبىلدىردى

استانا. قازاقپارات - مەملەكەت باسشىسى نۇرسۇلتان نازاربايەۆ تۇركيانىڭ ەكس- پرەزيدەنتى ابدۋللاھ گۇلمەن تەلەفون ارقىلى سويلەستى. بۇل تۋرالى اقوردانىڭ باسپا ءسوز قىزمەتىنەن حابارلادى.

ا. گۇل نۇرسۇلتان نازاربايەۆتى پرەزيدەنتتىك سايلاۋداعى تاريحي جەڭىسىمەن جانە قازاقستان پرەزيدەنتى لاۋازىمىنا رەسمي كىرىسۋىمەن قۇتتىقتادى.

مەملەكەت باسشىسى تۇرىك ساياساتكەرىنىڭ ەكى ەلدىڭ باۋىرلاستىق بايلانىستارىن نىعايتۋعا قوسقان ۇلەسىن جوعارى باعالادى.

ا. گۇل نۇرسۇلتان نازاربايەۆتىڭ قازاقستان- تۇركيا ستراتەگيالىق سەرىكتەستىگىن ودان ءارى تەرەڭدەتۋگە ۇمتىلىسىن تولىق قۇپتايتىنىن ايتتى.

 سوڭىندا تۇركيانىڭ ەكس- پرەزيدەنتى ەلباسىنىڭ ەل دامۋىنىڭ جاڭا كەزەڭىندەگى ستراتەگيالىق مىندەتتەردى تابىستى جۇزەگە اسىرۋىنا تىلەكتەستىك ءبىلدىردى.