ەلدىڭ الداعى دامۋىندا ەلباسى ايقىنداعان ۇلت جوسپارىنىڭ ماڭىزى زور - ق. توقايەۆ

استانا. قازاقپارات - ەلدىڭ الداعى دامۋىندا ەلباسى ايقىنداعان ۇلت جوسپارىنىڭ ماڭىزى زور. بۇگىن پارلامەنت سەناتىنىڭ جالپى وتىرىسىندا پالاتا سپيكەرى قاسىم- جومارت توقايەۆ وسىلاي مالىمدەدى.

جيىن بارىسىندا وتكەن پرەزيدەنت سايلاۋىنىڭ تاريحي ماڭىزىن اتاپ وتكەن سەنات ءتوراعاسى سايلاۋشىلاردىڭ 97,75 پايىزى مەملەكەت باسشىسى ن. نازاربايەۆتىڭ سىندارلى ساياساتىن تولىق قولدايتىنىن ناقتى دالەلدەگەنىن ايتتى. «بارشا قازاقستاندىقتار مىزعىماس بىرلىگىمەن بيىك ماقساتتارعا بىرلەسىپ قول جەتكىزەتىنىن بۇكىل الەمگە پاش ەتتى. قازاقستان حالقى ماڭگىلىك ەل يدەياسىنىڭ نەگىزى بولىپ تابىلاتىن تۇراقتىلىق پەن قوعامدىق كەلىسىمدى جاقتاپ داۋىس بەردى. سايلاۋشىلار ەلىمىزدىڭ جارقىن بولاشاعى جولىندا ءادىل شەشىم قابىلدادى. حالىقتىڭ پاراساتتى تاڭداۋى - نۇرسۇلتان ءابىش ۇلى نازاربايەۆتىڭ ەل يگىلىگى جولىنداعى ولشەۋسىز ەڭبەگىنىڭ جەمىسى دەپ بىلەمىز» ، - دەدى ق. توقايەۆ.

سەنات ءتوراعاسى پرەزيدەنتتىك سايلاۋ ناۋقانىنا قاتىسقان حالىقارالىق بايقاۋشىلاردىڭ سايلاۋ ۇدەرىستەرىنىڭ جوعارى جاۋاپكەرشىلىكپەن ۇيىمداستىرىلعانىن جانە ءادىل، اشىق وتكىزۋگە تولىق جاعداي جاسالعانىن مالىمدەگەنىن دە جەتكىزدى.

 بۇدان بولەك، سپيكەر ەلباسى نۇرسۇلتان ءابىش ۇلى نازاربايەۆ ايقىنداعان ەلىمىزدىڭ الدىندا تۇرعان 5 اۋقىمدى ىشكى مىندەتكە سەناتورلاردىڭ نازارىن اۋدارىپ، مەملەكەت باسشىسى جاريا ەتكەن «مەملەكەتتى قۇرۋداعى بۇدان بىلايعى 100 ناقتى قادامى» قامتىلعان ۇلت جوسپارىنىڭ ماڭىزىن اتاپ ءوتتى.

 «ەلباسى اتاپ وتكەندەي، بۇل باعدارلاما جاھاندىق جانە ىشكى سىن- قاتەرلەرگە جاۋاپ جانە جاڭا تاريحي جاعدايدا 30 دامىعان ەلدىڭ قۇرامىنا ەنۋ جولىنداعى ناقتى جوسپار بولماق» ، - دەي كەلە سەنات ءتوراعاسى وسى اۋقىمدى شارالاردى ۋاقىتىلى ءارى ساپالى جۇزەگە اسىرۋ باستى مىندەت ەكەنىن ەسكە سالدى.

 

 اۆتور: قانات مامەتقازى ۇلى