اۋەجايداعى ورىنسىز ءازىلى ءۇشىن الماتى تۇرعىنى سوتتالۋى مۇمكىن

استانا. قازاقپارات - استانا اۋەجايىندا جۇك تەكسەرۋشى قىزمەتكەرلەرمەن ورىنسىز ازىلدەسكەن الماتىلىق تۇرعىن سوت الدىندا جاۋاپ بەرەتىن بولدى.

29 - ساۋىر كۇنى ساعات 16.50 دە « استانا- الماتى» باعىتىمەن ۇشاتىن ۇشاققا تىركەلۋ كەزىندە 49 جاستاعى الماتى قالاسىنىڭ تۇرعىنى جۇك تەكسەرۋشىنىڭ «سومكەڭىزدە نە بار؟ » دەگەن ساۋالىنا «گراناتا بار» دەپ جاۋاپ بەرگەن.

مۇنان كەيىن جەلىلىك پوليتسيا قىزمەتكەرلەرى دەرەۋ قول جۇگىن تەكسەرىپ، ونىڭ ىشىنەن كۇدىكتى زات تاپپادى. ۇستالعان ازامات بولسا بۇل ارەكەتىن جاي ءازىل دەپ ءتۇسىندىرىپ وتىر. قازىر ول ەشقايدا كەتپەۋ تۋرالى قولحات جازىپ، سوت شەشىمىن كۇتىپ وتىر. وعان ق ر قىلمىستىق كودەكسىنىڭ 274 - بابىنىڭ 1 -تارماعى بويىنشا (جالعان اقپارات تاراتۋ) ايىپ تاعىلدى.

 baq.kz