قازاقستاندا تابىسى ەڭ تومەن وڭىرلەر انىقتالدى
باسپا ءسوز قىزمەتىنىڭ مالىمەتىنشە، تابىسى ەڭ تومەن وڭىرلەر 2014 -جىلدىڭ ءتورت توقسانىنداعى كورسەتكىشتەر بويىنشا انىقتالدى. ولاردىڭ كوشباسىندا: وڭتۇستىك قازاقستان، جامبىل جانە الماتى وبلىستارى تۇر، وسى وڭىرلەردە حالىقتىڭ تابىس مولشەرى ورتاشا رەسپۋبليكالىق دەڭگەيدەن 25 - 40 پايىزعا تومەن.
ال كەرىسىنشە تابىسى جوعارى، ياعني حالىقتىڭ ورتا ەسەپپەن جان باسىنا شاققانداعى اتاۋلى اقشالاي تابىستارىنىڭ مولشەرى بويىنشا ءبىرىنشى ورىندى - اتىراۋ وبلىسى مەن الماتى جانە استانا قالالارى الىپ وتىر، ولاردا وسى كورسەتكىش ورتاشا رەسپۋبليكالىق دەڭگەيدەن 2,1 - 1,8 ەسەگە اسقان.
سونىمەن قاتار، حالىقتىڭ ورتا ەسەپپەن جان باسىنا شاققانداعى اتاۋلى اقشالاي تابىستارى 66659 تەڭگە ەكەنى بەلگىلى بولدى.
ەسكە سالا كەتەيىك، بۇعان دەيىن قازاقستاندا ورتاشا جالاقى مولشەرى جاريالانعان بولاتىن. 2015 -جىلدىڭ 1-توقسانداعى كورسەتكىشتەرىنە سايكەس، ورتاشا جالاقى 118638 تەڭگەگە تەڭ. ەلىمىزدە ەڭ تومەنگى جالاقى اۋىل، ورمان جانە بالىق شارۋاشىلىعى قىزمەتكەرلەرىندە بەلگىلەندى - 58,0 مىڭ تەڭگە، بۇل ەل بويىنشا ورتا كورسەتكىشتەن 51,1 پايىزعا تومەن.
