كولىك ىشىندە دەمالىپ وتىرعان قىز بەن جىگىت كولىكپەن بىرگە وزەنگە قۇلاپ كەتتى
جىگىت سىرتقا سەكىرىپ ۇلگەرگەنىمەن، جيىرما جاستاعى بويجەتكەن كولىكتەن شىعا الماي قالعان.
قايعىلى وقيعا تۇنگى ساعات ەكىلەردىڭ شاماسىندا بولعان. تاڭعى ساعات جەتىدەن باستاپ سۋدان قۇتقارۋ جۇمىستارى جۇرگىزىلىپ جاتىر، ءبىراق ازىرگە نە قىزدىڭ دەنەسى، نە كولىك تابىلعان جوق. وقيعا بولعان جەردە سۋدان قۇتقارۋ قىزمەتىنەن بولەك، تۇندە بويجەتكەننىڭ جانىندا بىرگە بولعان جىگىت تە ءجۇر. تەك ول ءتۇسىرىلىم توبىن كورىسىمەن، قانداي دا ءبىر مالىمەت بەرۋدەن باس تارتىپ، اعاسىنىڭ كولىگىنە وتىرىپ، وقيعا بولعان جەردەن كەتىپ قالدى.
تاسبولات كوشكىنبايەۆ، سەمەي قالاسىنىڭ سۋدان قۇتقارۋ قىزمەتىنىڭ مامانى:
ىزدەپ جاتىرمىز. تاڭەرتەڭنەن بەرى ، ءالى وسى ۋاقىتقا دەيىن نە ماشينا نە قىزدىڭ دەنەسى تابىلعان جوق. ماشينا جانە قىزدىڭ دەنەسى تابىلعانشا ىزدەۋ جۇمىستارىن جۇرگىزە بەرەمىز.
«31- تەلەارنا» جاڭالىقتارى
